ഷാർജ അന്താരാഷ്ട്ര പുസ്തകമേളയിൽ വെച്ച് നാല് സ്മാരക സ്റ്റാമ്പുകൾ പുറത്തിറക്കി ഷാർജ പ്രൈവറ്റ് എജുക്കേഷൻ അതോറിറ്റി (എസ്.പി.ഇ.എ). എസ്.പി.ഇ.എയുടെ പവിലിയനിൽ നടന്ന ചടങ്ങിൽ ഡയറക്ടർ അലി അൽ ഹൊസനി, എമിറേറ്റ്സ് പോസ്റ്റ് ഡയറക്ടർ ജനറൽ അയൂബ് അഹ്ലി പങ്കെടുത്തു.
പുതിയ സ്റ്റാമ്പുകൾ പുസ്തകമേളയിലെത്തുന്നവർക്ക് എമിറേറ്റ്സ് സ്റ്റാൻഡിൽ നിന്ന് വാങ്ങാനും അവസരമുണ്ട്. സ്റ്റാമ്പുകളുടെ രൂപകല്പനയുമായി ബന്ധപ്പെട്ട് ലഭിച്ച 200-ലേറെ അപേക്ഷകളിൽ നിന്ന് തിരഞ്ഞെടുക്കപ്പെട്ടവർക്കാണ്
സ്റ്റാമ്പുണ്ടാക്കാൻ അവസരം ലഭിച്ചത്.
ദേശീയ പദ്ധതികളിൽ വിദ്യാർത്ഥികളുടെ പങ്കാളിത്തമുറപ്പാക്കുന്നതിനും അവരുടെ സർഗാത്മകത വളർത്തുന്നതിനുമായാണ് സ്വകാര്യ സ്‌കൂളുകൾ കേന്ദ്രീകരിച്ചായിരുന്നു സ്റ്റാമ്പുണ്ടാക്കൽ മത്സരം സംഘടിപ്പിച്ചത്.
