യുഎഇയിൽനിന്ന് ഏറ്റവും കൂടുതൽ തൊഴിലാളികളെ നിയമിക്കുന്ന ആദ്യ നാല് രാജ്യങ്ങൾ യു‌എ‌സ്, യുകെ, കാനഡ,ഇസ്രായേൽ എന്നിവയാണ് പഠന റിപ്പോർട്ട്.ഡീലിന്റെ സ്റ്റേറ്റ് ഓഫ് ഗ്ലോബൽ ഹയറിംഗ് പഠന റിപ്പോർട്ടിലെ വിവരങ്ങളാണ് പുറത്തുവന്നത്.
സോഫ്റ്റ്വെയർ എഞ്ചിനീയർമാർ, ഉൽപ്പന്ന ഡിസൈനർമാർ, ഫ്രണ്ട്-എൻഡ് ഡെവലപ്പർമാർ, സെയിൽസ് സ്പെഷ്യലിസ്റ്റുകൾ, ട്രേഡിംഗ് കോൺട്രാക്ടർമാർ എന്നിവയാണ് ഈ രാജ്യങ്ങളിലെ ജനപ്രിയ തൊഴിൽ മേഖല. ഇൻഫർമേഷൻ ടെക്‌നോളജി, ഫിനാൻഷ്യൽ സർവീസ്, മാർക്കറ്റിംഗ്, അഡ്വർടൈസിംഗ് എന്നിവയുമായി ബന്ധപ്പെട്ട കമ്പനികളും കൂടുതൽ അവസരങ്ങൾ നൽകുന്നുണ്ട്. ഇതിനിടെ വിദൂര നിയമനത്തിൽ ആത്മവിശ്വാസം വർദ്ധിച്ചുകൊണ്ടിരിക്കുന്നതിനാൽ മാനേജിംഗ് പാർട്ണർമാരും സിഇഒമാരും പോലുള്ള സീനിയർ മാനേജ്‌മെന്റ് റോളുകളും നാല് രാജ്യങ്ങളിൽ ജനപ്രീതി നേടിത്തുടങ്ങിയെന്നാണ് പഠന റിപ്പോർട്ട്.
യുഎഇ വിദ്യാഭ്യാസ സമ്പ്രദായം വികസിത രാജ്യങ്ങൾക്ക് തുല്യമാണെന്നും പ്രൊഫഷണൽ റോളുകളുടെ ആവശ്യകത നിറവേറ്റുന്നുവെന്നതിന് പ്രാപ്തിയുണ്ടെന്നുമാണ് വിലയിരുത്തൽ. കൂടാതെ, ധനകാര്യം, വ്യാപാരം, യാത്ര, വിനോദസഞ്ചാരം, ഹോസ്പിറ്റാലിറ്റി തുടങ്ങിയ വിവിധ മേഖലകളുടെ കേന്ദ്രമെന്ന നിലയിൽ യുഎഇയുടെ പദവിയും തൊഴിൽ ശക്തിയും ആഗോള സ്ഥാനങ്ങളെ ആകർഷിക്കുന്നതാണ്.
യു.എ.ഇ.യിലെ ജോലിക്കാരിൽ 37.6 ശതമാനവും 25 മുതൽ 34 വരെ പ്രായമുള്ളവരാണെന്ന് ഡീൽ പഠനം കണ്ടെത്തി. 28.7 ശതമാനം പേർ 35 മുതൽ 44 വയസ്സുവരെയുള്ളവരും 25.1 ശതമാനം 16 മുതൽ 24 വരെ പ്രായമുള്ളവരാണെന്നും സൂചിപ്പിക്കുന്നു. 2022 ജനുവരി മുതൽ ഡിസംബർ വരെ 160 രാജ്യങ്ങളിലായി 260,000 തൊഴിലാളി കരാറുകളിൽ നിന്നുള്ള പ്രവണതകൾ നിരീക്ഷിച്ചാണ് പഠന റിപ്പോർട്ട് തയ്യാറാക്കിയത്..
വിജ്ഞാന സമ്പദ്‌വ്യവസ്ഥയിലും മികച്ച പ്രതിഭകളെ ആകർഷിക്കുന്നതിലും AI, ക്രിപ്‌റ്റോകറൻസികൾ, മെറ്റാവേഴ്‌സ് തുടങ്ങിയ നവയുഗ സാങ്കേതികവിദ്യകൾ സ്വീകരിക്കുന്നതിലും യുഎഇ ശ്രദ്ധ കേന്ദ്രീകരിക്കുന്നുണ്ട്. ഇത് മികച്ചതും പരിചയസമ്പന്നവുമായ പ്രതിഭകളെ കണ്ടെത്തുന്നതിന് വിദേശ തൊഴിലുടമകൾക്ക് അവസരം ഒരുക്കുന്ന തൊഴിൽ വിപിണിയായി മാറുകയാണെന്നും വിലയിരുത്തലുണ്ട്.
