യുഎഇയിൽ നേരിയ ഭൂചലനം അനുഭവപ്പെട്ടു. നാഷണൽ സെൻ്റർ ഓഫ് മെറ്റീരിയോളജിയുടെ നാഷണൽ സെയ്‌സ്മിക് നെറ്റ്‌വർക്ക് സ്റ്റേഷനുകളുടെ റിപ്പോർട്ട് പ്രകാരം റിക്ടർ സ്കെയിലിൽ 1.2 തീവ്രതയാണ് രേഖപ്പെടുത്തിയത്.
അൽ ഫുജൈറയിലെ ദിബ്ബയിലെ അൽ റഹീബ് മേഖലയിൽ ഇന്നലെ രാത്രി 10.27-നാണ് ഭൂചലനം അനുഭവപ്പെട്ടത്. 5 കിലോമീറ്റർ ആഴത്തിലാണ് ഇത് രേഖപ്പെടുത്തിയത്. ഭൂചലനം നിവാസികൾക്ക് നേരിയ തോതിൽ അനുഭവപ്പെട്ടെങ്കിലും പ്രദേശത്തെ ബാധിച്ചിട്ടില്ലെന്ന് എൻസിഎം അധികൃതർ വ്യക്തമാക്കി.
