ലോകത്തിലെ ഏറ്റവും വലിയ ടെക് ഷോ ആയ ജിടെക്സ് ഗ്ലോബിലന്റെ 43-മത് എഡിഷൻ ഒക്ടോബർ 16 മുതൽ ദുബായിൽ സംഘടിപ്പിക്കപ്പെടും. ദുബായ് വേൾഡ് ട്രേഡ് സെന്ററിൽ വെച്ച് ഒക്ടോബർ 16 മുതൽ 20 വരെയാണ് പരിപാടി സംഘടിപ്പിക്കുന്നത്. 170 രാജ്യങ്ങളിൽ നിന്നായി 5,000-ലധികം കമ്പനികളാണ് ഇത്തവണ ജിടെക്സ് ഗ്ലോബിലിൽ പങ്കെടുക്കുന്നത്.
നൂതന സാങ്കേതികവിദ്യകൾ, സ്റ്റാർട്ടപ്പ്, ഐടി കമ്പനികൾ എന്നിവയുമായി ബന്ധപ്പെട്ട നിരവധി പരിപാടികളാണ് ജിടെക്സ് ഗ്ലോബലിൽ ഉൾപ്പെടുത്തിയിട്ടുണ്ട്. അഞ്ച് ദിവസം നീണ്ട് നിൽക്കുന്ന ഈ പ്രദർശനത്തിൽ ആഗോളതലത്തിലുള്ള സാങ്കേതികമേഖലയിലെ ഏറ്റവും നൂതനമായ വശങ്ങൾ അവതരിപ്പിക്കും. ടെക്നോളജിയിലെ അനന്തസാധ്യതകളേക്കുറിച്ച് പഠിക്കാൻ ആഗ്രഹിക്കുന്നവർക്ക് മികച്ച അവസരമാണ് ഇതുവഴി അധികൃതർ ലഭ്യമാക്കുന്നത്.
