കുവൈറ്റിൽ പുതിയ പ്രധാനമന്ത്രിയായി ഷെയ്ഖ് ഡോ. മുഹമ്മദ് സബാഹ് അൽസാലിം അസ്സബാഹിനെ നിയമിച്ചു. പുതിയ സർക്കാരിനെ രൂപീകരിക്കാനും മന്ത്രിമാരെ തിരഞ്ഞെടുക്കാനും പ്രധാനമന്ത്രിയ്ക്ക് ചുമതല നൽകി.
രാജ്യത്തിന്റെ പുതിയ അമീറായ ഷെയ്ഖ് മിശ്അൽ അൽ അഹമ്മദ് അൽ ജാബിർ അസ്സബാഹ് ആണ് ഉത്തരവ് പുറപ്പെടുവിപ്പിച്ചത്. രാജ്യത്തിന്റെ പുതിയ അമീറായി അധികാരമേറ്റതിനു ശേഷം ചുമതലയിലെത്തുന്ന പ്രധാനമന്ത്രിയാണ് ഷെയ്ഖ് ഡോ. മുഹമ്മദ് സബാഹ് അൽസാലിം അസ്സബാഹ്.
അമേരിക്കയിലെ കുവൈത്ത് അംബാസഡർ, വിദേശകാര്യ മന്ത്രി തുടങ്ങി നിരവധി ഉന്നത പദവികൾ സബാഹ് അൽസാലിം വഹിച്ചിട്ടുണ്ട്. സാമ്പത്തിക ശാസ്ത്രത്തിൽ ബിരുദവും ഹാർവാർഡ് സർവകലാശാലയിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദവും ഡോക്ടറേറ്റും കരസ്ഥമാക്കിയിട്ടുണ്ട്.
