മൂന്നുമാസക്കാലമായി സൗദിയിൽ സുഗന്ധം പരത്തി സന്ദർശകരെ ആകർഷിച്ച യാമ്പു പുഷ്‌പോത്സവം ഏപ്രിൽ 30ന് സമാപിക്കുന്നു. സമാപന ദിവസം സന്ദർശകർക്കായി പ്രത്യേക പരിപാടികളാണ് സംഘാടകർ ഒരുക്കുന്നത്. അന്നേദിവസത്തെ പ്രവേശനവും സൗജന്യമായിരിക്കും.
‘ എല്ലാ തുടക്കത്തിനും ഒരു അവസാനമുണ്ട്. ഞങ്ങൾ പൂക്കളും മനോഹരമായ പരിപാടികളും നിങ്ങൾക്കു നൽകിയപ്പോൾ നിങ്ങൾ അത് ഇരു കൈയ്യും നീട്ടി സ്വീകരിച്ചു. ഏപ്രിൽ 30 ചൊവ്വാഴ്ച പതിനാലാമത് പുഷ്പമേളയുടെ സമാപനത്തിൽ പൂക്കളും പ്രത്യേക പരിപാടികളുമൊക്കെയായി ഞങ്ങൾ നിങ്ങളോട് വിടപറയുകയാണ്. സമാപന പരിപാടികളിൽ പങ്കെടുക്കാൻ നിങ്ങളെ ഓരോരുത്തരെയും ഞങ്ങൾ ക്ഷണിക്കുന്നു’- സംഘാടകർ പറഞ്ഞു.
