ഹജ്ജ്, ഉംറ മന്ത്രാലയവുമായി സഹകരിച്ച് സൗദി പോസ്റ്റ് ലോജിസ്റ്റിക്‌സ് (എസ്‌പിഎൽ) 2023 ഹജ്ജിൻ്റെ സ്മരണയ്ക്കായി സ്റ്റാമ്പും പോസ്റ്റ് കാർഡും പുറത്തിറക്കി. വിവിധ സന്ദർഭങ്ങളെ അനുസ്മരിക്കുന്ന തപാൽ സ്റ്റാമ്പുകളുടെ പ്രാധാന്യം വ്യക്തമാക്കിയാണ് നീക്കം. സ്മാരക സ്റ്റാമ്പന് മൂന്ന് റിയാലും പോസ്റ്റ്കാർഡ് 5 റിയാലുമാണ് നിരക്ക്.
എല്ലാവരെയും തീർത്ഥാടനത്തിലേക്ക് വിളിക്കുക” എന്ന തലക്കെട്ടിലാണ് പുതിയ തപാൽ സ്റ്റാമ്പുകൾ പുറത്തിറക്കിയത്. ഇതോടെ സൗദി പോസ്റ്റ് ലോജിസ്റ്റിക്‌സ് പുറത്തിറക്കിയ സ്മരണിക തപാൽ സ്റ്റാമ്പുകളുടെ എണ്ണം 490 ആയി.
മതപരമായ ഉത്സവങ്ങൾ, ഹജ്ജ്, ടൂറിസം സീസണുകൾ, ആഗോള, ഇസ്ലാമിക, അറബ്, ഗൾഫ് തലങ്ങളിലെ പ്രധാന ഇവന്റുകൾ എന്നിവയുൾപ്പെടെ പ്രത്യേക അവസരങ്ങളിൽ എസ്‌പിഎൽ ആനുകാലികമായി തപാൽ സ്റ്റാമ്പുകൾ പുറത്തിറക്കുന്നത് പതിവാണ്.സൗദി അറേബ്യയുടെ വിവിധ മേഖലകളിലെ നേട്ടങ്ങൾ ചരിത്ര സംഭവങ്ങളായി അടയാളപ്പെടുത്തുക എന്ന ലക്ഷ്യവും പിന്നിലുണ്ട്.
