പടക്കം വിൽക്കുമ്പോഴും ഉപയോഗിക്കുമ്പോഴും ശ്രദ്ധിക്കുക! മുന്നറിയിപ്പുമായി സൗദി പ​ബ്ലി​ക് പ്രോ​സി​ക്യൂ​ഷ​​ൻ

ഈദ് രാവുകളിൽ ആഘോഷങ്ങളുടെ ഭാഗമായി ആകാശത്ത് വർണ്ണങ്ങൾ വിതറാൻ പടക്കങ്ങൾ നിർമ്മിക്കുന്നവർക്കും ഉപയോഗിക്കുന്നവർക്കും മുന്നറിയിപ്പുമായി സൗദി പ​ബ്ലി​ക് പ്രോ​സി​ക്യൂ​ഷ​​ൻ. രാ​ജ്യ​ത്തി​നു​ള്ളി​ൽ പ​ട​ക്ക​ങ്ങ​ൾ നി​ർ​മി​ക്കു​ക​യോ വ്യാ​പാ​രം ചെ​യ്യു​ക​യോ ഉ​പ​യോ​ഗി​ക്കു​ക​യോ ചെ​യ്യു​ന്ന​വ​ർ​ക്ക് മു​ന്ന​റി​യിപ്പുകൾ പാലിക്കണമെന്നും പ​ബ്ലി​ക് പ്രോ​സി​ക്യൂ​ഷ​​ൻ കൂട്ടിച്ചേർത്തു. ഈ​ദു​ൽ ഫി​ത്ർ ആ​ഘോ​ഷ​ങ്ങ​ൾ വ​രാ​നി​രി​ക്കെ​യാ​ണ്​ ഈ മു​ന്ന​റി​യി​പ്പ്. പെ​രു​ന്നാ​ൾ ആ​ഘോ​ഷ​ങ്ങ​ൾ​ക്കി​ട​യി​ൽ പ​ട​ക്കം പൊ​ട്ടി​ക്ക​ൽ വ്യാ​പ​ക​മാ​കു​ന്നുണ്ട്. പ്ര​ത്യേ​കി​ച്ച്​ കു​ട്ടി​ക​ൾ​ക്കി​ട​യി​ൽ എ​ല്ലാ വ​ർ​ഷ​വും നി​ര​വ​ധി അ​പ​ക​ട​ങ്ങ​ളാ​ണ്​ ഇത് മൂലം സംഭ​വി​ക്കു​ന്ന​ത്. പ​ട​ക്കം നി​ർ​മി​ക്കു​ക​യും വി​ൽ​ക്കു​ക​യും ഉ​പ​യോ​ഗി​ക്കു​ക​യും ചെ​യ്യു​ന്ന​വ​ർ​ക്കെ​തി​രെ ത​ട​വു ശിക്ഷയും സാ​മ്പ​ത്തി​ക പി​ഴ​യും ഈടാക്കുമെന്നും മുന്നറിയിപ്പിൽ പറയുന്നു.

ആ​റ്​ മാ​സം വ​രെ ത​ട​വും ഒ​രു ല​ക്ഷം റി​യാ​ൽ വ​രെ പി​ഴ​യു​മാ​ണ്​ ശി​ക്ഷയായി നൽകുക. സ്‌​ഫോ​ട​ക​വ​സ്തു​ക്ക​ൾ, പ​ട​ക്ക​ങ്ങ​ൾ എ​ന്നി​വ​ക്കു​​വേ​ണ്ട പെ​ർ​മി​റ്റ് ഇ​ല്ലാ​തെ അ​വ ഉ​ണ്ടാ​ക്കു​കയോ കൈ​വ​ശം വെ​ക്കു​കയോ ചെയ്യാൻ പാടില്ല. കൂടാതെ ക​യ​റ്റു​മ​തി ചെ​യ്യു​ക, ഇ​റ​ക്കു​മ​തി ചെ​യ്യു​ക, നി​ർ​മി​ക്കാ​ൻ പ​രി​ശീ​ലി​പ്പി​ക്കു​ക, വി​ൽ​ക്കു​ക, ഉ​പ​യോ​ഗി​ക്കു​ക, കൊ​ണ്ടു​പോ​കു​ക, സം​ഭ​രി​ക്കു​ക, എ​ന്നി​വ​യെ​ല്ലാം നി​രോ​ധി​ക്ക​പ്പെ​ട്ട​താ​ണെ​ന്നും പ്രോ​സി​ക്യൂ​ഷ​ൻ പ​റ​ഞ്ഞു.