ആംബുലൻസ് ജീവനക്കാരെ അക്രമിക്കുന്നവർക്ക് മുന്നറിയിപ്പുമായി സൗദി അറേബ്യ. രാജ്യത്തെ ആംബുലൻസ് സേവനമേഖലയിൽ പ്രവർത്തിക്കുന്ന ജീവനക്കാരെ ആക്രമിക്കുന്നവർക്ക് അഞ്ച് വർഷം വരെ തടവും ഒരു മില്യൺ റിയാൽ പിഴയുമാണ് ശിക്ഷയായി ലഭിക്കുക. സൗദി അറേബ്യയിലെ പൊതു ഇടങ്ങളിൽ നടപ്പിലാക്കുന്ന പുതിയ ആംബുലൻസ് സുരക്ഷാ നയത്തിന്റെ ഭാഗമായാണ് നടപടി.
ആംബുലൻസ് സേവനമേഖലയിൽ പ്രവർത്തിക്കുന്ന ജീവനക്കാർ, എമർജൻസി റെസ്‌പോണ്ടർ ജീവനക്കാർ, ആംബുലൻസ് സുരക്ഷയുമായി ബന്ധപ്പെട്ട് പ്രവർത്തിക്കുന്ന ജീവനക്കാർ തുടങ്ങിയ വിഭാഗങ്ങളിൽ പ്രവർത്തിക്കുന്നവരെ അക്രമിക്കുന്നവർക്കാണ് ഈ ശിക്ഷാ നടപടികൾ ബാധകമാകുക. ഇത്തരം അക്രമണങ്ങളുമായി ബന്ധപ്പെട്ട അന്വേഷണം സൗദി പബ്ലിക് പ്രോസിക്യൂഷന്റെ അധികാര പരിധിയിലാണ് ഉൾപ്പെടുത്തിയിരിക്കുന്നത്.
