ഈദ് അല്‍ ഫിത്തറിനോട് അനുബന്ധിച്ച് പൊതുഗാതഗത സംവിധാനങ്ങളുടെ സമയം ദുബായില്‍ പുനക്രമീകരിച്ചു. റോഡ് ആന്റ് ട്രാന്‍സ്പോര്‍ട്ട് അതോറിറ്റിയാണ് പുതിയ സമയക്രമം പ്രഖ്യാപിച്ചത്.
പുതുക്കിയ സമയക്രമം അനുസരിച്ച് ദുബായ് മെട്രോയുടെ റെഡ്, ഗ്രീന്‍ ലൈന്‍ സ്റ്റേഷനുകൾ മെയ് രണ്ട് മുതല്‍ മെയ് നാല് വരെ രാവിലെ അഞ്ച് മുതല്‍ രാത്രി ഒരുമണിവരെ പ്രവര്‍ത്തിക്കും. അതേ സമയം ട്രാമുകൾ രാവിലെ ആറ് മുതലാണ് പ്രവര്‍ത്തനം ആരംഭിക്കുക. രാത്രി ഒരുമണിവരെ ട്രാമുകളും സര്‍വ്വീസും ലഭ്യമാകും.
ദെയ്റ, അല്‍ബര്‍ഷ, ഉം റമൂല്‍, അല്‍ മനാര, തുടങ്ങിയ ഇടങ്ങളില്‍ ആര്‍ടിഎയുടെ സ്മാര്‍ട്ട് കസ്റ്റമര്‍ ഹാപ്പിനസ് സെന്‍ററുകൾ 24 മണിക്കൂര്‍ സേവനം ലഭ്യമാക്കും. എന്നാല്‍ സേവനദാതാക്കൾക്ക് ഏപ്രില്‍ 30 മുതല്‍ മെയ് 7 വരെ അവധി ആയിരിക്കും. മെയ് 8 ഞായറാ‍ഴ്ച സേവനദാതാക്കൾക്ക് പ്രവര്‍ത്തിദിനമാണ്. ഈദ് ആഘോഷങ്ങളുടെ ഭാഗമായാണ് പുതുക്കിയ സമയക്രമം ആര്‍ടിഎ പ്രഖ്യാപിച്ചത്.
