യുഎഇ റേഡിയോ ഏഷ്യയിലെ അവതാരകനായിരുന്ന ആറ്റിങ്ങൽ അവനവഞ്ചേരി ശാന്തിനഗർ കുന്നുവിള വീട്ടിൽ ശശികുമാർ രത്നഗിരി (49) അന്തരിച്ചു. തിരുവനന്തപുരം കിംസ് ആശുപത്രിയിൽ വെച്ച് ഇന്നലെ അർദ്ധരാത്രിയോടെയായിരുന്നു അന്ത്യം.
റേഡിയോ ഏഷ്യയിൽ ദീർഘകാലം അവതാരകനും ഡബ്ബിങ് ആർട്ടിസ്റ്റുമായിരുന്നു ശശികുമാർ. കരൾ സംബന്ധമായ അസുഖത്തെ തുടർന്ന് കുറച്ച് കാലമായി ചികിത്സയിലായിരുന്നു. സംസ്കാരം ഇന്ന് ഉച്ചയ്ക്ക് 12 മണിക്ക് വീട്ടുവളപ്പിൽ നടക്കും. ഭാര്യ: രഞ്ജിനി, മകൻ: ഇന്ദുചൂഡൻ.
