ഒക്ടോബർ രണ്ട് മുതൽ മാർച്ച് 28 2024 വരെ ദോഹയിൽ നടക്കാനിരിക്കുന്ന എക്സ്പോ 2023 വോളണ്ടിയർ പ്രോഗ്രാമിനായി ഇതിനോടകം 40,000 ത്തിൽ അധികം വ്യക്തികൾ രജിസ്റ്റർ ചെയ്തതായി റിപ്പോർട്ട്‌. ആറ് മാസത്തെ ഹോർട്ടി കൾച്ചറൽ ഇവന്റിന്റെ സംഘാടകർ അവരുടെ ഔദ്യോഗിക ഇൻസ്റ്റാഗ്രാം ഹാൻഡിലിലൂടെയാണ് രജിസ്ട്രേഷൻ വിവരങ്ങൾ വെളിപ്പെടുത്തിയത്. രജിസ്ട്രേഷൻ നടപടികൾ ഓഗസ്റ്റ് മൂന്നിനാണ് ആരംഭിച്ചതെന്ന പ്രത്യേകത കൂടിയുണ്ട്.
അതേസമയം കഴിഞ്ഞ വർഷത്തെ ഫിഫ ലോകകപ്പിന് ശേഷം ഖത്തർ ആതിഥേയത്വം വഹിക്കുന്ന രണ്ടാമത്തെ വലിയ പരിപാടിയാണ് ദോഹ എക്സ്പോ. ഇവന്റിനായി 2,200 വോളണ്ടിയർമാരെ റിക്രൂട്ട് ചെയ്യാനാണ് സംഘാടകർ ശ്രമിക്കുന്നത്. എക്സ്പോ 2023 ദോഹ വോളണ്ടിയർമാരാകാൻ ആഗ്രഹിക്കുന്നവർ സെപ്‌റ്റംബർ ഒന്നിന് കുറഞ്ഞത് 18 വയസ്സ് പ്രായമുള്ളവരായിരിക്കണം. കൂടാതെ ആറ് മാസത്തേക്ക് പ്രതിമാസം ഏഴ് മുതൽ എട്ട് വരെ ദിവസങ്ങൾ ഇവന്റിന് വേണ്ടി സമർപ്പിക്കാൻ സന്നദ്ധരായിരിക്കണം.
അതേസമയം അപേക്ഷകർ നിലവിൽ ഖത്തറിൽ താമസിക്കണമെന്ന നിബന്ധനയുണ്ട്. കൂടാതെ സ്വയം ചെലവ് വഹിക്കുകകയും ഇവന്റ് കാലയളവിലേക്ക് ഖത്തറിലേക്ക് മാറാൻ തയ്യാറാവുകയും ചെയ്യണം. ആദ്യം അപേക്ഷകൾ അവലോകനം ചെയ്യുകയും തുടർന്ന് ഒരു അഭിമുഖമുണ്ടായിരിക്കുകയും ചെയ്യും. ശേഷം തിരഞ്ഞെടുത്തു കഴിഞ്ഞാൽ സന്നദ്ധ പ്രവർത്തകർക്ക് സ്ഥിരീകരണം ലഭിക്കുകയും പ്രത്യേക റോളുകൾ നൽകുകയും ചെയ്യും. കൂടാതെ എക്സ്പോ 2023 ൽ സജീവമായി പങ്കെടുക്കുന്നതിന് മുൻപ് അവർ പരിശീലനത്തിലൂടെ കടന്നുപോകുകയും അക്രഡിറ്റേഷനും യൂണിഫോമുകളും നേടുകയും ചെയ്യും.
