വാഹനങ്ങളിലൂടെയുള്ള ശബ്ദ മലിനീകരണം; മാനദണ്ഡങ്ങൾ കർശനമായി പാലിക്കണമെന്ന് ഖത്തർ

Date:

Share post:

വാഹനങ്ങളിലൂടെയുള്ള ശബ്ദ മലിനീകരണത്തിൽ കടുത്ത നിലപാട് സ്വീകരിച്ച് ഖത്തർ. രാജ്യത്തെ കാറുകൾ, മോട്ടോർ ബൈക്കുകൾ മുതലായ വാഹനങ്ങളിൽ നിന്നും പുറപ്പെടുവിക്കുന്ന ശബ്ദത്തിന്റെ തോത് സംബന്ധിച്ച മാനദണ്ഡങ്ങൾ കർശനമായി പാലിക്കണമെന്ന് ഖത്തർ വാണിജ്യ, വ്യവസായ മന്ത്രാലയം നിർദേശിച്ചു. ഇതുമായി ബന്ധപ്പെട്ട ഔദ്യോഗിക വിജ്ഞാപനം മന്ത്രാലയത്തിൽ നിന്ന് ഖത്തറിലെ കാർ, ബൈക്ക് ഡീലർഷിപ്പുകൾക്കും, വാഹനങ്ങളുടെ അറ്റകുറ്റപ്പണികൾ സംബന്ധിച്ച സേവനങ്ങൾ നൽകുന്ന സ്ഥാപനങ്ങൾക്കും നൽകി.

വാഹനങ്ങൾ പുറപ്പെടുവിക്കുന്ന ശബ്ദത്തിന്റെ തോത് സംബന്ധിച്ച് ഖത്തർ ജനറൽ ഓർഗനൈസേഷൻ ഓഫ് സ്റ്റാൻഡേർഡ്സ് ആന്റ് മെട്രോളജി നിശ്ചയിച്ചിട്ടുള്ള മാനദണ്ഡങ്ങൾ പാലിക്കപ്പെടുന്നുണ്ടെന്ന് മേഖലയിലെ എല്ലാ സേവനദാതാക്കളും ഉറപ്പ് വരുത്തണമെന്ന് മന്ത്രാലയം വ്യക്തമാക്കി. ഖത്തറിലെ കൺസ്യൂമർ പ്രൊട്ടക്ഷൻ നിയമം 8/ 2008ഉം അതിന്റെ അനുബന്ധ വകുപ്പുകളും പ്രകാരമാണ് നിർദേശം.

വാഹനങ്ങൾ സഞ്ചരിക്കുമ്പോൾ പുറപ്പെടുവിക്കുന്ന ശബ്ദം അവയ്ക്ക് നിശ്ചയിച്ചിട്ടുള്ള ശബ്ദപരിധിയ്ക്ക് (ഡെസിബെൽ) മുകളിൽ ആയിരിക്കരുത് എന്നാണ് നിബന്ധന. ഈ നിബന്ധന പെട്രോൾ, ഡീസൽ വാഹനങ്ങൾക്കെല്ലാം ബാധകമാണ്. വീഴ്ച വരുത്തുന്നവർക്ക് ഒരു മില്യൺ റിയാൽ പിഴയും 2 വർഷം വരെ തടവും ലഭിക്കുമെന്ന് മന്ത്രാലയം അറിയിച്ചു.

LEAVE A REPLY

Please enter your comment!
Please enter your name here

spot_img

Related articles

പെർത്തിൽ ഇന്ത്യക്ക് വമ്പൻ ജയം

ഓസ്ട്രേലിയ്ക്ക് എതിരായ ബോർഡർ ഗവാസ്കർ ട്രോഫി ആദ്യ ടെസ്റ്റിൽ ഇന്ത്യക്ക് വമ്പൻ വിജയം. 295 റൺസിനാണ് ഇന്ത്യ വിജയിച്ചത്. 534 റൺസ് പിന്തുടരാൻ ഇറങ്ങിയ...

രണ്ട് വർഷത്തെ ഷൂട്ടിങ്ങിനായി ചെലവാക്കിയത് 80 കോടി; ‘ബാഹുബലി’ സീരീസ് ഉപേക്ഷിച്ച് നെറ്റ്ഫ്ലിക്സ്

രണ്ട് വർഷത്തെ ഷൂട്ടിങ്ങിന് ശേഷം നെറ്റ്ഫ്ലിക്സ് ‘ബാഹുബലി’ സീരീസ് ഉപേക്ഷിച്ചു. പാതിവഴിയിൽ ഉപേക്ഷിച്ച 'ബാഹുബലി' വെബ് സീരീസിന് വേണ്ടി നെറ്റ്ഫ്ലിക്സ് മുടക്കിയത് 80 കോടി...

യുഎഇ സ്ഥാപക പിതാക്കന്മാർക്കുള്ള ആദരം; സായിദ് ആൻഡ് റാഷിദ് കാമ്പെയ്‌ൻ പുരോഗമിക്കുന്നു

രാജ്യത്തിൻ്റെ സ്ഥാപക പിതാക്കന്മാർക്കുള്ള ആദരസൂചകമായി 'സായിദും റാഷിദും' ലോഗോ ഉൾക്കൊള്ളുന്ന പ്രത്യേക സ്റ്റാമ്പുമായി ദുബായ് എയർപോർട്. ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ്...

യുഎഇ ദേശീയദിനം ആഘോഷമാക്കാൻ ഗ്ലോബൽ വില്ലേജ്; കരിമരുന്ന് പ്രയോഗവും ഡ്രോൺ പ്രദർശനവും

യുഎഇ ദേശീയദിനം (ഈദ് അൽ ഇത്തിഹാദ്) ആഘോഷമാക്കാനൊരുങ്ങി ഗ്ലോബൽ വില്ലേജ്. ആരെയും ആകർഷിക്കുന്ന കരിമരുന്ന് പ്രകടനം, ഡ്രോൺ പ്രദർശനം, സം​ഗീത പരിപാടികൾ, സാംസ്കാരിക പരിപാടികൾ...