യുഎഇയിൽ എമിറേറ്റ്സ് ലേബർ മാർക്കറ്റ് അവാർഡിനുള്ള നാമനിർദ്ദേശങ്ങൾ ക്ഷണിച്ചു. ഹ്യൂമൻ റിസോഴ്‌സസ് ആന്റ് എമിറേറ്റൈസേഷൻ മന്ത്രാലയമാണ് ഇത് സംബന്ധിച്ച അറിയിപ്പ് നൽകിയത്.
37 ദശലക്ഷം ദിർഹത്തിന്റെ അവാർഡാണ് ഇത്തവണ നൽകുന്നത്. ഈ വർഷം രണ്ട് വിഭാഗങ്ങളിലായാണ് പുരസ്കാരം നൽകുന്നത്. ഒന്നാമത്തേത് തൊഴിലാളികളുടെ താമസസൗകര്യങ്ങൾ, അധിക സേവനങ്ങൾ, തൊഴിൽ ക്ഷേമ സംരംഭങ്ങൾ എന്നിവയിൽ മികച്ച സേവനം ലഭ്യമാക്കുന്നവർക്കും രണ്ടാമത്തെ പുരസ്കാരം ഗാർഹിക തൊഴിലാളികൾക്കുമുള്ളതാണ്.
വർക്ക്ഫോഴ്സ് വിഭാഗത്തിൽ വിജയികൾക്കുന്നവർക്ക് ഒന്നാം സ്ഥാനത്തിന് 1,00,000 ദിർഹവും രണ്ടാം സ്ഥാനത്തിന് 75,000 ദിർഹവും മൂന്നാം സ്ഥാനത്തിന് 50,000 ദിർഹവും സമ്മാനമായി ലഭിക്കും. നോമിനേഷൻ നൽകുന്നതിനുള്ള വിശദാംശങ്ങൾ മന്ത്രാലയത്തിന്റെ വെബ്‌സൈറ്റിൽ ലഭ്യമാക്കിയിട്ടുണ്ട്.
