യുഎഇയിൽ നേരിയ ഭൂചലനം അനുഭവപ്പെട്ടു. യുഎഇ സമയം ഇന്ന് രാവിലെ 7.53ന് മസാഫിയിലാണ് ഭൂചലനം അനുഭവപ്പെട്ടത്. റിക്ടർ സ്കെയിലിൽ 2.3 തീവ്രത രേഖപ്പെടുത്തിയതായി നാഷണൽ സെൻ്റർ ഓഫ് മെറ്റീരിയോളജി (എൻസിഎം) അധികൃതർ അറിയിച്ചു.
1.6 കിലോമീറ്റർ താഴ്ചയിൽ പ്രദേശവാസികൾക്ക് ഭൂചലനം അനുഭവപ്പെട്ടതായാണ് റിപ്പോർട്ട്. എന്നാൽ യുഎഇയിൽ ഭൂചലനം ഒരു ഫലവും ഉണ്ടാക്കിയിട്ടില്ലെന്ന് എൻസിഎം അധികൃതർ വ്യക്തമാക്കി. അതോടൊപ്പം ഭൂകമ്പത്തെക്കുറിച്ച് ആശങ്കപ്പെടേണ്ടതില്ലെന്ന് ഭൂകമ്പശാസ്ത്ര വിദഗ്ധർ താമസക്കാർക്ക് ഉറപ്പ് നൽകി.
