മലയാളി സഹോദരങ്ങൾ സൗദിയില്‍ വാഹനാപകടത്തില്‍ മരിച്ചു.
വേങ്ങര വെട്ടുതോട് സ്വദേശികളായി അബ്‌ദുൽ ജബ്ബാർ (44), റഫീഖ് (41) എന്നിവരാണ് മരിച്ചത്. സൗദിയിലെ ജിസാനിലായിരുന്നു അപകടം. ശനിയാഴ്‌ച രാത്രി സൗദി സമയം ഏഴുമണിയോടെയാണ് സംഭവം.
പച്ചക്കറി മൊത്തവ്യാപികളായിരുന്നു ഇരുവരും. ബിസിനസ് ആ‍വശ്യത്തിനായി പോകുമ്പോ‍ഴാണ് ഇവര്‍സഞ്ചരിച്ച വാഹനം അപകടത്തില്‍പെട്ടത്. ജിസാനിനു സമീപം ബെയ്ഷ് മസ്ലയയിൽ ഇവർ സഞ്ചരിച്ച വാഹനം മുന്നിലുളള വാഹനത്തിൽ ഇടിക്കുകയായിരുന്നു.
ഗുരുതരമായി പരുക്കേറ്റ ഇരുവരേയും ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മഴയിൽ വാഹനം തെന്നിമാറിയാണ് അപകടമുണ്ടായതെന്നും സൂചനയുണ്ട്. ബെയ്ശ് ആശുപത്രിയില്‍ സൂക്ഷിച്ചിരിക്കുന്ന മൃതദേഹങ്ങൾ നാട്ടിലെത്തിക്കാനുളള നടപടികൾ പുരോഗമിക്കുകയാണ്.
