പുണ്യ റമദാൻ വന്നെത്തി. എങ്ങും പ്രാർത്ഥനാ നിരതരായി നോമ്പ് നോറ്റ് ആളുകൾ ആ ദിവസത്തിനായി കാത്തിരിക്കുകയാണ്. റമദാന് മുന്നോടിയായി കുവൈറ്റിൽ ഭക്ഷ്യ ലഭ്യതയും വില സ്ഥിരതയും ഉറപ്പാക്കുന്നതിനായുള്ള നടപടികൾ ശക്തമാക്കുകയാണെന്ന് വാണിജ്യ, വ്യവസായ മന്ത്രാലയത്തിലെ ഹവല്ലി ഗവർണറേറ്റ് ഇൻസ്പെക്ഷൻ സൂപ്പർവൈസർ ഖാലിദ് അലി അൽ-വതൈദ് അൽ-സെയാസ്സ അറിയിച്ചു.
എല്ലാ ഗവർണറേറ്റുകളിലും ഈ കാലയളവിൽ ഷോപ്പുകൾ, മാർക്കറ്റുകൾ, സഹകരണ സംഘങ്ങൾ എന്നിവയിലെ പരിശോധനാ ശക്തമാക്കുമെന്നും അദ്ധേഹം കൂട്ടിച്ചേർത്തു. സാധനങ്ങളുടെ ലഭ്യതയും വില നിയന്ത്രണവും നിരീക്ഷിക്കുക എന്നതിനാണ് പരിശോധനകളിൽ കൂടുതൽ പ്രാധാന്യം നൽകുക.
ഉപഭോക്തൃ പരാതികളുമായി ബന്ധപ്പെട്ട്, ഹവല്ലി ഗവർണറേറ്റിൽ കഴിഞ്ഞ വർഷം 16,941 പരാതികളും, റിപ്പോർട്ടുകളും ലഭിച്ചതായും ഈ വർഷം ആദ്യം മുതൽ ഫെബ്രുവരി അവസാനം വരെ 4,633 പരാതികൾ ലഭിച്ചതായും അൽ-വതൈദ് അറിയിച്ചു. സഹേൽ ആപ്ലിക്കേഷൻ പോർട്ടൽ, വാട്ട്‌സ്ആപ്പ് സേവനം (55135135) എന്നിവ വഴി ഉപഭോക്താക്കൾക്ക് 24 മണിക്കൂറും കരാർ ലംഘനങ്ങൾ, സാമ്പത്തിക പൊരുത്തക്കേടുകൾ തുടങ്ങി വിവിധ പ്രശ്‌നങ്ങൾ ഉൾക്കൊള്ളുന്ന എല്ലാ പരാതികളും മന്ത്രാലയത്തിലേക്ക് നൽകാം. പരാതികൾ ഉടനടി പരിഹരിക്കപ്പെടുമെന്നും അദ്ദേഹം ഉറപ്പുനൽകി.
