ഇസ്‌ലാമിക പുതുവർഷത്തിന് കുവൈറ്റിൽ നാല് ദിവസത്തെ അവധി പ്രഖ്യാപിച്ചു. ഈ മാസം 19,20 തീയതികളിൽ അവധിയായിരിക്കുമെന്ന് മന്ത്രിതല സമിതി അറിയിച്ചു. 21നും 22നും വാരാന്ത്യ അവധിയുമായതിനാൽ നാല് ദിവസം അവധി ലഭിക്കും. മന്ത്രാലയങ്ങൾ, ഏജൻസികൾ, സ്ഥാപനങ്ങൾ, സർക്കാർ സ്ഥാപനങ്ങൾ എന്നിവ രണ്ട് ദിവസത്തെ ജോലി നിർത്തിവയ്ക്കും.
ഇസ്‌ലാമിക കലണ്ടറിലെ പുതിയ ഹിജ്‌റ വർഷം ആഘോഷിക്കാൻ ലഭിച്ച ഇടവേള വ്യക്തികൾക്ക് അവരുടെ കുടുംബത്തോടൊപ്പം ചെലവഴിക്കാനും മതപരമായ പ്രവർത്തനങ്ങളിൽ ഏർപ്പെടാനും ആഘോഷങ്ങളിൽ പങ്കുചേരാനും അനുവദിക്കുന്നതാണ്. മന്ത്രാലയങ്ങൾ, സ്ഥാപനങ്ങൾ, ഏജൻസികൾ, സർക്കാർ സ്ഥാപനങ്ങൾ എന്നിവ 23ന് ജോലി പുനരാരംഭിക്കുമെന്നും അധികൃതർ അറിയിച്ചു. എന്നാൽ പ്രത്യേക തൊഴിൽ ആവശ്യകതകളുള്ള ഏജൻസികളുടെ അവധികൾ സംബന്ധിച്ച കാര്യങ്ങൾ അധികാരികളായിരിക്കും നിർണയിക്കുക എന്നും അധികൃതർ കൂട്ടിച്ചേർത്തു.
