കൃത്യനിഷ്ഠയുടെ കാര്യത്തിൽ കുവൈത്ത് എയർവേയ്സ് യാതൊരു വിട്ടുവീഴ്ചയ്ക്കും തയ്യാറല്ല. അതുകൊണ്ടുതന്നെ എയർലൈനുകളിൽ സമയനിഷ്ഠയിൽ രണ്ടാം സ്ഥാനം സ്വന്തമാക്കിയിരിക്കുകയാണ് കുവൈത്ത് എയർവേയ്സ്. എയർലൈൻ ഡാറ്റ വിശകലനരംഗത്ത് പ്രശസ്‌തമായ സിറിയം വെബ്സൈറ്റിന്റെ ഏറ്റവും പുതിയ റിപ്പോർട്ടിലാണ് എയർവേയ്സിന് അംഗീകാരം ലഭിച്ചത്.
മിഡിൽ ഈസ്റ്റ്, ആഫ്രിക്ക മേഖലകളിലാണ് കുവൈത്ത് എയർവേയ്സ് ഈ നേട്ടം കരസ്ഥമാക്കിയത്. മുമ്പ് ആറാം സ്ഥാനത്തായിരുന്ന കമ്പനി ഇത്തവണ വൻ മുന്നേറ്റം നടത്തുകയായിരുന്നു. 2024 ഏപ്രിലിൽ 88.2 ശതമാനവും മാർച്ചിൽ 85.6 ശതമാനവും ഫെബ്രുവരിയിൽ 79.4 ശതമാനവുമായിരുന്നു സമയനിഷ്ഠയിൽ എയർവേസിന് ലഭിച്ചത്.
ഏവിയേഷൻ ഡാറ്റ വിശകലനത്തിന് ആഗോളതലത്തിൽ ഏറ്റവും വിശ്വസനീയമായ ഉറവിടങ്ങളിലൊന്നായി അംഗീകരിക്കപ്പെടുന്നതാണ് സിറിയം വെബ്സൈറ്റ്.
