റിയാദിൽ നിന്നുള്ള ഇൻഡിഗോ വിമാനം മസ്‌കത്തില്‍ അടിയന്തരമായി ഇറക്കി. റിയാദിൽ നിന്ന് മുംബൈയിലേക്കുള്ള വിമാനമാണ് മസ്കത്തിൽ ഇറക്കിയത്. സുരക്ഷാ മുന്നറിയിപ്പിനേത്തുടർന്നാണ് നടപടി.
ബുധനാഴ്ച രാവിലെയോടെയാണ് സംഭവം. ഇൻഡിഗോയുടെ 6E 74 വിമാനമാണ് സുരക്ഷ മുന്നറിയിപ്പിനെ തുടർന്ന് വഴിതിരിച്ച് മസ്കത്തിൽ സുരക്ഷിതമായി ഇറക്കിയത്. 192 യാത്രക്കാരായിരുന്നു വിമാനത്തിലുണ്ടായിരുന്നത്. ആവശ്യമായ സുരക്ഷാ നടപടികൾ സ്വീകരിച്ചിരുന്നതായി സിവിൽ ഏവിയേഷൻ അതോറിറ്റി അറിയിച്ചു.
വിമാനത്തിന് യാതൊരു പ്രശ്ന‌വുമില്ലെന്നും എല്ലാ യാത്രക്കാരും ജീവനക്കാരും സുരക്ഷിതരാണെന്നും അധികൃതർ വ്യക്തമാക്കി.
