ഹജ്ജിനായി അനുമതി ലഭിച്ച ഇന്ത്യയില്‍ നിന്നുളള മു‍ഴുവന്‍ തീര്‍ത്ഥാടകരും സൗദിയിലെത്തി.. മലയാളികൾ ഉൾപ്പെടെയുളള സംഘമാണ് സൗദിയില്‍ എത്തിച്ചേര്‍ന്നത്. ഹജ്ജ് കമ്മിറ്റി വ‍ഴിയും സ്വകാര്യ ഹജ്ജ് ഗ്രൂപ്പുക‍ൾ വ‍ഴിയും 101,837 പേര്‍ക്കാണ് രാജ്യത്ത് അനുമതി ലഭിച്ചത്.
കേന്ദ്ര ഹജ്ജ് കമ്മിറ്റി മുഖേല എത്തിച്ചേര്‍ന്ന 5758 മലയാളികളും ഇതില്‍ ഉൾപ്പെടും. എല്ലാവരേയും ഹജ്ജിന് മുമ്പ് മക്കയിലെത്തിക്കും. സൗദിയിലെ ചരിത്ര സ്ഥലങ്ങളും ടൂറിസ്റ്റ് കേന്ദ്രങ്ങളിലും സന്ദര്‍ശനം നടത്തുന്നവര്‍ ഇനിയുളള മണിക്കൂറുകളില്‍ ഹജ്ജിനായി തയ്യാറെടുക്കും. നിലവില്‍ അസീസിയിലെ താസമസ്ഥലത്ത് വിശ്രമിക്കുന്നവര്‍ക്ക് ഹറം പളളിയില്‍ പ്രാര്‍ത്ഥനയ്ക്ക് അവസരമുണ്ട്.
ക‍ഴിഞ്ഞ രണ്ടുവര്‍ഷം കോവിഡ് നിയന്ത്രണങ്ങളുടെ ഭാഗമായി ഹജ്ജിന് അനുമതിയ നല്‍കിയിരുന്നില്ല. ഇക്കുറി എട്ടരലക്ഷം രാജ്യാന്തര തീര്‍ത്ഥാടകര്‍ ഉൾപ്പടെ പത്ത് ലക്ഷം പേരാണ് ഹജ്ജ് കര്‍മ്മങ്ങൾ നിര്‍വഹിക്കുക. ഹജ്ജിനുളള ഒരുക്കങ്ങൾ എല്ലാം ഇതിനകം പൂര്‍ത്തിയായി ക‍ഴിഞ്ഞു.
