സർഗ്ഗാത്മകവുമായ വൈദഗ്ധ്യവുമായി പ്രയത്നങ്ങൾകൊണ്ട് പ്രാദേശികമായും ആഗോള തലത്തിലും മാധ്യമ രംഗത്ത് മുന്നേറാൻ യുഎഇയ്ക്ക് ക‍ഴിഞ്ഞിട്ടുണ്ടെന്ന് വിലയിരുത്തല്‍.
നവംബറില്‍ അബുദാബിയില്‍ സംഘടിപ്പിച്ചിട്ടുളള ഗ്ലോബല്‍ മിഡീയ കോൺഗ്രസിന് മുന്നോടിയായി സാംസ്കാരിക യുവജന മന്ത്രി നൗറ ബിന്റ് മുഹമ്മദ് അല്‍ കാബിയാണ് ഇക്കാര്യം അറിയിച്ചത്.
അബുദാബിയില്‍ സംഘടിപ്പിക്കുന്ന ഗ്ലോബൽ മീഡിയ കോൺഗ്രസ് അന്താരാഷ്ട്ര മാധ്യമങ്ങൾ തമ്മില്‍ അറിവും വൈദഗ്ധ്യവും കൈമാറ്റം ചെയ്യുന്നതിനുള്ള വേദിയാണെന്നും, മാധ്യമരംഗത്ത് യുഎഇയുടെ സ്ഥാനവും നേതൃത്വവും ഏകീകരിക്കുന്നതിന് പ്രാപ്തമാകുമെന്നും നൗറ ല്‍ കാബി കൂട്ടിച്ചേര്‍ത്തു. അന്താരാഷ്ട്ര മാധ്യമ രംഗത്തെ നൂതന വിദ്യകൾ പരസ്പരം മനസ്സിലാക്കുന്നതിലും ഗ്ലോബര്‍ മിഡീയ കോൺഗ്രസ് സഹാകരമാകും.
ഡിജിറ്റൽ ആശയവിനിമയം, മാധ്യമങ്ങളില്‍ ആർട്ടിഫിഷ്യൽ ഇന്റലിജൻസിന്റെ സ്വാധീനം , സാങ്കേതികവിദ്യകളുടെയും നവീകരണം, സംയോജനം എന്നിവയുൾപ്പെടെ നിരവധി വിഷയങ്ങളിലാണ് ഗ്ലോബര്‍ മിഡീയ കോൺഗ്രസ് ശ്രദ്ധ കേന്ദ്രീകരിക്കുന്നത്. മാധ്യമ സ്ഥാപനങ്ങൾ തമ്മിലുള്ള സഹകരണവും പങ്കാളിത്തത്തിനും വര്‍ദ്ധിപ്പിക്കുമെന്നും ഇത് കൂടുതൽ സാധ്യതകൾ തുറക്കുമെന്നും മന്ത്രി വിശദീകരിച്ചു. അബുദാബി ഉപപ്രധാനമന്ത്രിയും പ്രസിഡൻഷ്യൽ കോടതി മന്ത്രിയുമായ എച്ച്.എച്ച് ഷെയ്ഖ് മൻസൂർ ബിൻ സായിദ് അൽ നഹ്യാന്റെ രക്ഷാകർതൃത്വത്തിലാണ് പരിപാടി സംഘടിപ്പിക്കുന്നത്.
ഉഭയകക്ഷി കൂടിക്കാഴ്ചകൾക്ക് പുറമെ പ്രസ്സ്, റേഡിയോ, ടെലിവിഷൻ, ഇന്റർനെറ്റ്, സോഷ്യൽ കമ്മ്യൂണിക്കേഷൻ തുടങ്ങി ആഗോള സ്വാധീനം ചെലുത്തുന്ന മേഖലകളിലെ പ്രത്യേക സെഷനുകളും സംഘടിപ്പിക്കും. ഗ്ലോബര്‍ മിഡീയ കോൺഗ്രസിന് മുന്നോടിയായി ഓഗസ്റ്റ് 1 ന് വാർത്താ ഏജൻസികൾക്കായി വെർച്വൽ വർക്ക്‌ഷോപ്പും സംഘടിപ്പിക്കുന്നുണ്ട്.
