2022 ഡിസംബർ മാസത്തെ പെട്രോൾ, ഡീസൽ വില പ്രഖ്യാപിച്ച് യുഎഇ ഇന്ധന വില സമിതി. നേരിയ കുറവാണ് രേഖപ്പെടുത്തിയിരിക്കുന്നത്.
ഡിസംബർ 1 മുതൽ സൂപ്പർ 98 പെട്രോൾ ലിറ്ററിന് 3.30 ദിർഹമാണ് വില. നവംബറിലെ 3.32 ദിർഹവുമായി താരതമ്യം ചെയ്യുമ്പോൾ നേരിയ കുറവുണ്ട്. സ്പെഷ്യൽ 95 പെട്രോൾ ലിറ്ററിന് 3.18 ദിർഹo ഈടാക്കും. നവംബറിലെ 3.20 ദിർഹമായിരുന്നു വില.
ഇ-പ്ലസ് 91 പെട്രോൾ ലിറ്ററിന് 3.11 ദിർഹമാണ് പുതുക്കിയ വില. കഴിഞ്ഞ മാസം ഒരു ലിറ്ററിന് 3.13 ദിർഹവുമായിരുന്നു നിശ്ചയിച്ചിരുന്നത്. അതേസമയം നവംബറിലെ 4.01 ദിർഹത്തെ അപേക്ഷിച്ച് ഡീസൽ ലിറ്ററിന് 3.74 ദിർഹമായും കുറഞ്ഞിട്ടുണ്ട്. കഴിഞ്ഞ ജൂലൈയിലെ റെക്കോർഡ് വിലവർദ്ധനവിന് ശേഷം വില കുറയുന്ന പ്രവണത തുടരുകയാണ്.
