യുഎഇയിൽ ബലിപെരുന്നാൾ നമസ്കാര സമയം പ്രഖ്യാപിച്ചു. ഈദ് ദിനത്തിൽ യുഎയിലെ മസ്ജിദുകളും വലിയ തുറസായ സ്ഥലങ്ങളിലും ഈദ് നിസ്കാര പ്രാർത്ഥനകൾ നടത്തും. ഫജർ പ്രാർത്ഥന മുതൽ പ്രാർത്ഥനാ ഇടങ്ങൾ സാധാരണയായി തുറന്നിരിക്കും. ഭക്തിനിർഭരമായ അന്തരീക്ഷത്തിൽ കൂട്ടായ്മയിലൂടെ ഇസ്ലാം മതവിശ്വാസികൾ ഈദ് നമസ്കാരം നടത്തും.
അബുദാബിയിൽ പെരുന്നാൾ ദിനത്തിൽ രാവിലെ 5.53 ആണ് നിസ്കാര സമയം. ദുബൈയിൽ 5.50, ഷാർജയിൽ 5.47, അജ്മാനിൽ 5.47, ഫുജൈറയിൽ 5.44, ഉം അൽ ഖുവൈനിൽ 5.50, റാസൽഖൈമയിൽ 5.44 എന്നിങ്ങനെയാണ് പെരുന്നാൾ നിസ്കാര സമയക്രമം.
