യാത്രക്കാർക്ക് ആശ്വാസമായി അജ്മാനിൽ നിന്ന് അബുദാബിയിലേക്ക് കൂടുതൽ ബസ് റൂട്ട്. ഇന്ന് മുതലാണ് ബസ് റൂട്ടുകൾ വർധിപ്പിക്കുകയെന്ന് അജ്മാൻ പബ്ലിക് ട്രാൻസ്പോർട്ട് അതോറിറ്റി അറിയിച്ചു.
പുതിയ പദ്ധതിയുടെ ഭാഗമായി മുസല്ല ബസ് സ്റ്റേഷനിൽ നിന്ന് അബുദാബി ബസ് സ്റ്റേഷനിലേയ്ക്ക് നാല് സർവീസുകളാണ് പ്രഖ്യാപിച്ചിരിക്കുന്നത്. അജ്മാനിൽ നിന്ന് രാവിലെ ഏഴ് മുതൽ രാത്രി ഏഴ് വരെയും അബുദാബിയിൽ നിന്ന് രാവിലെ 10 മണി മുതൽ രാതി 9.30 വരെയും ബസ് സർവീസ് നടത്തും.
രാവിലെ ഏഴ് മണി, 11 മണി, വൈകുന്നേരം മൂന്ന് മണി, രാത്രി ഏഴ് മണി എന്നീ സമയങ്ങളിലാണ് അജ്മാനിൽ നിന്ന് ബസ് പുറപ്പെടുക. 35 ദിർഹമാണ് യാത്രാ നിരക്ക്. ഇതോടൊപ്പം കഴിഞ്ഞ മാസം നിർത്തിവച്ച അജ്മാൻ ബസ് ഓൺ ഡിമാൻഡ് സേവനങ്ങൾ പുനരാരംഭിച്ചതായും അധികൃതർ അറിയിച്ചു.
