ബഹ്റൈനിൽ വഴിയരികിൽ ഉപേക്ഷിക്കപ്പെട്ടതും വിൽപനക്ക് വച്ചതുമായി കാണപ്പെടുന്ന വാഹനങ്ങൾ നീക്കം ചെയ്യുന്നതിന് ദക്ഷിണ മേഖല മുനിസിപ്പൽ കൗൺസിൽ നടപടി ആരംഭിച്ചു. ഇതുവരെ ഇത്തരത്തിലുള്ള 105 വാഹനങ്ങൾക്ക് നോട്ടീസ് നൽകുകയും 20 വാഹനങ്ങൾ മുനിസിപ്പാലിറ്റി ഇടപെട്ട് നീക്കം ചെയ്യുകയും ചെയ്തിട്ടുണ്ട്.
ബുഹൈർ, ഹാജിയാത് എന്നീ പ്രദേശങ്ങളിൽ അലക്ഷ്യമായും വിൽപനയുദ്ദേശിച്ചും നിർത്തിയിട്ട കാറുകളെയാണ് നീക്കം ചെയ്യാനുള്ള നടപടി സ്വീകരിച്ചത്. ഇതിൽ വിൽപനയ്ക്ക് വച്ച 40 കാറുകളിൽ 10 എണ്ണം മുനിസിപ്പാലിറ്റി നീക്കം ചെയ്തു. ബാക്കിയുള്ളവ ഉടമകൾ ഇടപെട്ട് മാറ്റുകയും ചെയ്തിട്ടുണ്ട്.
