മൊബൈൽ ഫോണുകൾ മോഷ്ടിക്കപ്പെടുകയോ നഷ്ടപ്പെടുകയോ ചെയ്താൽ സേവന ദാതാക്കളായ etisalat- e& du വഴി റിപ്പോർട്ട് ചെയ്യണമെന്ന് മുന്നറിയിപ്പുമായി യുഎഇ. അതുവഴി മൊബൈൽ ഫോണുകൾ ബ്ലോക്ക് ചെയ്യാനും യുഎഇയിലെ ഏതെങ്കിലും വയർലെസ് നെറ്റ്വർക്കുമായുള്ള കണക്ഷൻ തടയാനും കഴിയും.
ഉപഭോക്തൃ സേവന കോൾ സെന്ററുകൾ, വെബ്സൈറ്റുകളിലെ തത്സമയ ചാറ്റ് സേവനങ്ങൾ, ഓപ്പറേറ്റർമാരുമായി അഫിലിയേറ്റ് ചെയ്തിരിക്കുന്ന മറ്റ് ചാനലുകൾ എന്നിങ്ങനെയുള്ള വ്യത്യസ്ത ചാനലുകൾ വഴി താമസക്കാർക്ക് അവരുടെ നഷ്ടപ്പെട്ടതോ മോഷ്ടിക്കപ്പെട്ടതോ ആയ മൊബൈൽ ഫോണുകളെ കുറിച്ചുള്ള റിപ്പോർട്ടുകൾ സമർപ്പിക്കാം. ടെലി കമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റിയാണ് ഇക്കാര്യം അറിയിച്ചത്.
