തിയേറ്ററിൽ കളക്ഷൻ റെക്കോർഡുകൾ തിരുത്തിയെഴുതിയ വിജയ് ചിത്രം ’ഗോട്ട്’ ഒടിടിയിലേയ്ക്ക് എത്തുന്നു. വെങ്കട് പ്രഭു സംവിധാനം ചെയ്ത ചിത്രം നാളെ മുതലാണ് ഒടിടി പ്രദർശനം ആരംഭിക്കുന്നത്. നെറ്റ്ഫ്ലിക്‌സിലൂടെയാണ് ചിത്രം പ്രേക്ഷകരുടെ സ്വീകരണ മുറിയിലേയ്ക്ക് എത്തുന്നത്.
ഗോട്ടിന്റെ അൺകട്ട് വേർഷനാണ് ഒടിടിയിലേയിൽ പ്രദർശിപ്പിക്കുന്നത്. തിയേറ്ററിൽ മൂന്ന് മണിക്കൂറുള്ള സിനിമയുടെ ദൈർഘ്യം ഒടിടിയിൽ എത്തുമ്പോൾ 3 മണിക്കൂറും 40 മിനിറ്റുമായിരിക്കും. തിയേറ്ററിൽ പ്രദർശിപ്പിക്കാനുള്ള സമയ പരിമിതി കാരണം നീക്കം ചെയ്ത ഭാഗങ്ങൾ ഉൾപ്പെടെയാണ് റിലീസ് ചെയ്യുന്നത്.
ആദ്യ ദിനത്തിൽ തന്നെ 100 കോടി കളക്ഷൻ നേടിയ ചിത്രമെന്ന റെക്കോർഡ് ഗോട്ട് സ്വന്തമാക്കിയിരുന്നു. അതേസമയം, സിനിമയുടെ രണ്ടാം ഭാഗത്തിന്റെ അണിയറ പ്രവർത്തനങ്ങൾ പുരോഗമിക്കുന്നതായാണ് പുറത്തുവരുന്ന റിപ്പോർട്ടുകൾ.
