ഓണക്കാല തിയേറ്റർ റിലീസുകൾ കഴിഞ്ഞതോടെ വീണ്ടും ഒടിടി സജീവമായിത്തുടങ്ങുന്നു. തിയേറ്ററുകളിൽ തരംഗമായി മാറിയ നിരവധി ചിത്രങ്ങളാണ് ഒടിടിയിലേയ്ക്ക് എത്തുന്നത്. അക്കൂട്ടത്തിൽ തിയേറ്ററുകളിൽ മികച്ച പ്രതികരണം നേടിയ ‘വാഴ’യും ഒടിടിയിൽ പ്രദർശനം ആരംഭിച്ചിരിക്കുകയാണ്.
ഹോട്സ്റ്റാറിലൂടെയാണ് വാഴ ഒടിടിയിൽ പ്രദർശനം തുടങ്ങിയിരിക്കുന്നത്. ജയ ജയ ജയ ജയഹേ, ഗുരുവായൂരമ്പലനടയിൽ എന്നീ ചിത്രങ്ങളുടെ സംവിധായകനായ വിപിൻ ദാസിന്റെ തിരക്കഥയിൽ ആനന്ദ് മേനോൻ സംവിധാനം ചെയ്‌ത ചിത്രമാണ് ‘വാഴ- ബയോപിക് ഓഫ് എ ബില്ല്യൺ ബോയ്സ്’.
സോഷ്യൽ മീഡിയയിലെ താരങ്ങളായ സിജു സണ്ണി, സാഫ് ബോയ്, ജോമോൻ ജ്യോതിർ, ഹാഷിർ, അലൻ, വിനായക്, അജിൻ ജോയ്, അമിത് മോഹൻ, അനുരാജ്, അൻഷിദ് അനു, അശ്വിൻ വിജയൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങൾ.
