വരും ദിവസങ്ങളിൽ ഇനി ബാങ്ക് മസ്ക്കറ്റ് സേവനങ്ങൾ ലഭിക്കാൻ കുറച്ചു ബുദ്ധിമുട്ടേണ്ടി വരും. മെയ് 16 മുതൽ 19 വരെ ബാങ്ക് മസ്കത്തിന്‍റെ വിവിധ സേവനങ്ങൾക്ക് തടസ്സം നേരിടുമെന്ന മുന്നറിയിപ്പിൽ ആരും ആശങ്കപ്പെടേണ്ടതില്ല. സിസ്റ്റം അപ്ഗ്രേഡ് ചെയ്യുന്നതിന്റെ ഭാഗമായാണിത്.
മൊബൈൽ, സി.ഡി.എം, ഐ.വി.ആർ സേവനങ്ങൾ, ഇൻറർനെറ്റ് ബാങ്കിങ് എന്നിവ ഈ ദിവസങ്ങളിൽ ലഭ്യമാകില്ലെന്ന് ബാങ്ക് അധികൃതർ വ്യക്തമാക്കി. അതേസമയം, എ.ടി.എം, ഇ-കോമേഴ്സ് ഓൺലൈൻ പർച്ചേസ്, പി.ഒ.എസ് എന്നീ സേവനങ്ങൾക്ക് തടസ്സമുണ്ടാകില്ല.
