രാഷ്ട്രസേവനത്തിനിടെ ഉണ്ടായ അപകടത്തിൽ യുഎഇയുടെ ധീരജവാന്മാർ മരണപ്പെട്ടു. അപകടത്തിൽ സായുധ സേനയിലെ നാല് അംഗങ്ങൾ മരിച്ചതായി യുഎഇ പ്രതിരോധ മന്ത്രാലയമാണ് അറിയിച്ചത്. സംഭവത്തിൽ 9 പേർക്ക് പരിക്കേറ്റിട്ടുണ്ട്.
ഇന്നലെ വൈകിട്ടോടെയായിരുന്നു അപകടം നടന്നത്. പരിക്കേറ്റവരെ ഉടൻ ആശുപത്രിയിലേക്ക് മാറ്റുകയും ആവശ്യമായ വൈദ്യസഹായം നൽകുകയും ചെയ്തതായി മന്ത്രാലയം അറിയിച്ചു. സൈനികരുടെ വിയോഗത്തിൽ പ്രതിരോധ മന്ത്രാലയം അനുശോചനം രേഖപ്പെടുത്തി.
