ഇന്ന് (മെയ് 3) യുഎഇയുടെ ചില പ്രദേശങ്ങളിൽ പൊതുവെ ഭാഗികമായി മേഘാവൃതമായ കാലാവസ്ഥയായിരിക്കുമെന്ന് നാഷണൽ സെൻ്റർ ഓഫ് മെറ്റീരിയോളജി (NCM) അറിയിച്ചു.
അബുദാബിയിലും ദുബായിലും യഥാക്രമം 38 ഡിഗ്രി സെൽഷ്യസും 35 ഡിഗ്രി സെൽഷ്യസും വരെ താപനില ഉയരും. നേരിയതോ മിതമായതോ ആയ കാറ്റ് പ്രതീക്ഷിക്കുന്നതായും കാലാവസ്ഥാ വകുപ്പ് അറിയിച്ചു.
അതേസമയം അസ്ഥിരമായ കാലാവസ്ഥയെത്തുടർന്ന് നിയന്ത്രണങ്ങൾ ഏർപ്പെടുത്തിയ ദുബായ് ഇൻ്റർനാഷണൽ എയർപോർട്ടിലെ (DXB) ഫ്ലൈറ്റ് ഓപ്പറേഷൻസ് സാധാരണ നിലയിലായി. താത്ക്കാലികമായി നിർത്തിവെച്ച ദുബായ് ഇന്റർ സിറ്റി ബസ് സർവ്വീസും സാധാരണ നിലയിലായി. താത്ക്കാലികമായി അടച്ച ബീച്ചുകളും പാർക്കുകളും തുറന്നു.
