അബുദാബി രാജകുടുംബാഗം ഷെയ്ഖ് സയീദ് ബിൻ സായിദ് അൽ നഹ്യാന്റെ നിര്യാണത്തിൽ ജി സി സി രാഷ്ട്ര നേതാക്കൾ അനുശോചനം രേഖപ്പെടുത്തി. അബുദാബി ഭരണാധികാരിയുടെ പ്രതിനിധിയും പ്രസിഡന്റ് ഷെയ്ഖ് മുഹമ്മദിന്റെ സഹോദരനുമാണ് ഷെയ്ഖ് സയീദ് ബിൻ സായിദ് അൽ നഹ്യാൻ. രോഗബാധിതനായി ചികിൽസയിലായിരുന്നു അദ്ദേഹം.
ഷെയ്ഖ് സയീദിന്റെ നിര്യാണത്തിൽ ദുബായ് കിരീടാവകാശിയും എമിറേറ്റ് എക്‌സിക്യുട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം അനുശോചനം രേഖപ്പെടുത്തി.
യുഎഇ പ്രസിഡന്റിന്റെ നയതന്ത്ര ഉപദേഷ്ടാവും എമിറാത്തിയിലെ ഉന്നത നയതന്ത്രജ്ഞനുമായ ഡോ അൻവർ ഗർഗാഷ്, ഷെയ്ഖ് സയീദിന് ആദരാഞ്ജലികൾ അർപ്പിച്ചു, “തന്റെ രാജ്യത്തെയും അതിന്റെ നേതൃത്വത്തെയും സേവിക്കുന്നതിനായി തന്റെ ജീവിതം സമർപ്പിച്ച മനുഷ്യൻ” എന്നാണ് അദ്ദേഹം ഷെയ്ഖ് സയീദിനെ വിശേഷിപ്പിച്ചത്.
