ദീപാവലി ആഘോഷിക്കുന്ന യുഎഇയിലെ ഇന്ത്യൻ പ്രവാസികൾക്ക് ആശംസകൾ നേർന്ന് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ.
ദീപങ്ങളുടെ ഉത്സവമായ ദീപാവലി ആഘോഷിക്കുന്ന എല്ലാവർക്കും ഞങ്ങളുടെ ആശംസകൾ നേരുന്നതായി അദ്ദേഹം ട്വീറ്റ് ചെയ്തു. എല്ലാവർക്കും സമാധാനവും ആരോഗ്യവും സന്തോഷവും ആശംസിക്കുന്നുവെന്നും അദ്ദേഹം എക്സിൽ കുറിച്ചു
ഇരുട്ടിന്റെ മേൽ വെളിച്ചത്തിന്റെയും തിന്മയുടെ മേൽ നന്മയുടെയും വിജയത്തെ പ്രതീകപ്പെടുത്തുന്നതാണ് ദീപാവലി. ദീപങ്ങൾ (വിളക്കുകൾ), മെഴുകുതിരികൾ എന്നിവ ഉപയോഗിച്ച് അവരുടെ വീടുകൾ അലങ്കരിക്കുന്നു. സമൃദ്ധിയെ സ്വാഗതം ചെയ്യുന്നതിനായി വീടിനു പുറത്ത് ‘രംഗോലി’ ഒരുക്കുകയും ചെയ്യുന്നു. ദുബായിൽ, അൽ മൻഖൂൽ, ബർ ദുബായ്, കരാമ, അൽ ബർഷ തുടങ്ങിയ പ്രദേശങ്ങളിലെ കെട്ടിടങ്ങളിൽ അതിമനോഹരമായ ലൈറ്റുകളാൽ അലങ്കരിച്ചിട്ടുണ്ട്.
