യുഎഇയിൽ കൂടുതൽ കമ്പനികൾ ഇപ്പോൾ സ്വദേശിവൽക്കരണ നിയമങ്ങൾക്ക് വിധേയമായി പ്രവർത്തിക്കുമെന്ന് ഹ്യൂമൻ റിസോഴ്സസ് ആൻഡ് എമിറേറ്റൈസേഷൻ മന്ത്രാലയം അറിയിച്ചു. അടുത്തിടെ സ്ഥാപനങ്ങൾക്ക് ഡിജിറ്റൽ സംവിധാനം വഴി മന്ത്രാലയം അറിയിപ്പും നൽകിയിട്ടുണ്ട്. 14 പ്രത്യേക സാമ്പത്തിക മേഖലകളിൽ പ്രവർത്തിക്കുന്ന 20-49 ജീവനക്കാരുള്ള 12,000-ത്തിലധികം കമ്പനികൾക്ക് 2024-ലും 2025-ലും ഒരു യുഎഇ പൗരനെയെങ്കിലും നിയമിക്കണമെന്നാണ് നിയമം.
ഇൻഫർമേഷൻ & കമ്മ്യൂണിക്കേഷൻസ്, ഫിനാൻസ് & ഇൻഷുറൻസ്, അഡ്മിനിസ്ട്രേറ്റിവ് & സപ്പോർട്ട് സർവീസസ്, വിദ്യാഭ്യാസം, ആരോഗ്യ സംരക്ഷണവും, റിയൽ എസ്റ്റേറ്റ്, പ്രൊഫഷണൽ & ടെക്നിക്കൽ ആക്ടിവിറ്റീസ്, സാമൂഹിക പ്രവർത്തനവും, കലയും, ട്രാൻസ്ഫോമേറ്റീവ് ഇൻഡസ്ട്രീസ്, വിനോദവും, ഖനനം, കൺസ്ട്രക്ഷൻ, ഹോൾസെയിൽ & റീറ്റെയ്ൽ, അക്കോമഡേഷൻ & ഹോസ്‌പിറ്റാലിറ്റി, ട്രാൻസ്പോർട്ടേഷൻ & വെയർഹൗസിംഗ് ഇവയെല്ലാം നിലവിൽ ദ്രുതഗതിയിലുള്ള വളർച്ചയ്ക്ക് വിധേയമായിക്കൊണ്ടിരിക്കുന്ന ജോലിയും അനുയോജ്യമായ തൊഴിൽ അന്തരീക്ഷവും പ്രദാനം ചെയ്യാനുള്ള ശേഷിയുള്ള 14 മേഖലകളാണ്.
അതേസമയം ഈ കമ്പനികളിൽ 2024-ൽ നിയമിക്കാത്ത ഓരോ യുഎഇ പൗരനും 96,000 ദിർഹം വീതം പിഴ ചുമത്തും. 2025 ജനുവരി മുതൽ ഇവ ശേഖരിക്കുകയും ചെയ്യു. 2025 ലക്ഷ്യങ്ങൾ കൈവരിക്കുന്നതിൽ പരാജയപ്പെട്ടാൽ 108,000 ദിർഹം പിഴ ചുമത്തുകയും 2026 ജനുവരിയിൽ ഇത് ശേഖരിക്കും. മന്ത്രാലയവുമായി ധാരണയുള്ള കമ്പനികൾക്ക് അവരുടെ സംഭാവനകൾ തവണകളായി അടയ്ക്കാൻ കമ്പനികളെ അനുവദിക്കും. ഇതിന്റെ ഭാഗമായി മന്ത്രാലയം 12,000-ലധികം കമ്പനികളിൽ സ്വദേശിവൽക്കരണ ലക്ഷ്യങ്ങൾ നടപ്പിലാക്കാൻ തുടങ്ങിയിട്ടുണ്ട്. സ്വദേശിവൽക്കരണ ലക്ഷ്യങ്ങൾ വേഗത്തിൽ നിറവേറ്റാനും വർഷാവസാനം വരെ കാലതാമസം ഒഴിവാക്കാനും തീരുമാനത്തിന് വിധേയരായ കമ്പനികളോട് മന്ത്രാലയം ആവശ്യപ്പെട്ടിട്ടുണ്ട്.
