ഐസിഎസ്ഇ 10, ഐഎസ്സി 12 ക്ലാസുകളിലെ പരീക്ഷാ ഫലം പ്രഖ്യാപിച്ചു. പത്താം ക്ലാസിൽ 99.47%, പന്ത്രണ്ടാം ക്ലാസിൽ 98.19% വിജയവുമാണ് രേഖപ്പെടുത്തിയത്. 12-ാം ക്ലാസിൽ പരീക്ഷയെഴുതിയ 99,901 കുട്ടികളിൽ 98.088 പേർ പാസായി. പത്താം ക്ലാസിൽ 2,43,617 കുട്ടികളാണ് പരീക്ഷ എഴുതിയത്. ഇതിൽ 2,42,328 പേർ പാസായി. കേരളത്തിൽ പത്താം ക്ലാസിൽ 99.99% വിദ്യാർത്ഥികളും പന്ത്രണ്ടാം ക്ലാസിൽ 99.93% വിദ്യാർത്ഥികളും വിജയിച്ചു.
യുഎഇയിലെ വിദ്യാർത്ഥികളും മികച്ച വിജയം കരസ്ഥമാക്കി. ദുബായ് സ്കൂളുകൾ 100 ശതമാനം വിജയം നേടുകയും വിദേശത്ത് മികച്ച പ്രകടനം നടത്തുന്ന സ്‌കൂളുകളായി മാറുകയും ചെയ്‌തു. ഇന്തോനേഷ്യ, സിംഗപ്പൂർ, ദുബായ് എന്നിവിടങ്ങളിൽ നിന്നുള്ള സ്കൂളുകൾ വിദേശത്ത് മികച്ച പ്രകടനം കാഴ്ചവെച്ച ഐസിഎസ്ഇ സ്കൂളുകളുടെ പട്ടികയിൽ ഇടം നേടിയെന്ന് കൗൺസിൽ വ്യക്തമാക്കി.
https://cisce.org, അല്ലെങ്കിൽ https://results.cisce.org വെബ്സൈറ്റുകളിൽ യുണീക് ഐഡിയും ഇൻഡക്സ് നമ്പറും നൽകി ഫലം അറിയാം. ഡിജിലോക്കർ പോർട്ടൽ വഴിയും ഫലമറിയാം. ഉപരിപഠന യോഗ്യത ലഭിക്കാത്തവർക്കായുള്ള കംപാർട്മെന്റ് പരീക്ഷ ഇക്കൊല്ലം മുതൽ ഇല്ല. പകരം, രണ്ടു വിഷയങ്ങളിൽ ജൂലൈയിൽ ഇംപ്രൂവ്മെന്റ് പരീക്ഷ എഴുതാം.
