യുവജനങ്ങൾക്ക് സുസ്ഥിരവും സമൃദ്ധവുമായ ഭാവി ഉറപ്പാക്കാൻ യുഎഇ പ്രതിജ്ഞാബദ്ധമാണെന്ന് ശൈഖ് മുഹമ്മദ് ബിൻ സായിദ് അൽ നഹ്യാൻ . എമിറാത്തി ശിശുദിനത്തോടനുബന്ധിച്ച് ആശംസകൾ അറിയിച്ചാണ് ശൈഖ് മുഹമ്മദിൻ്റെ ട്വീറ്റ്. യുഎഇ യുടെ നേട്ടങ്ങളും നാഴികക്കല്ലായ നയങ്ങളുമെല്ലാം രാജ്യത്തെ യുവാക്കളുടെ ഭാവിക്ക് വേണ്ടിയാണെന്ന് യുഎഇ പ്രസിഡന്റ്‌ ഷെയ്ഖ് മുഹമ്മദ് വ്യക്തമാക്കി.
ഇന്ന് നമ്മൾ ചെയ്യുന്ന എല്ലാ കാര്യങ്ങളിലൂടെയും നാളെ നമ്മുടെ കുട്ടികൾക്കായി ഒരു മികച്ച ലോകം സൃഷ്ടിക്കാനാണ് ശ്രമമെന്ന് അദ്ദേഹം ട്വിറ്ററിർ കുറിച്ചു. യുവജനങ്ങൾക്കും വരും തലമുറകൾക്കും സുസ്ഥിരവും സമൃദ്ധവുമായ ഭാവി ഉറപ്പാക്കാൻ ലക്ഷ്യമിട്ടുള്ള പ്രവർത്തനങ്ങൾ ഉറപ്പാക്കുമെന്നും അദ്ദേഹം പറഞ്ഞു.
ആരോഗ്യകരവും സുരക്ഷിതവുമായ അന്തരീക്ഷത്തിലേക്ക് കുട്ടികളെ എത്തിക്കുകയും സ്വന്തം അവകാശത്തെക്കുറിച്ച് അവബോധം വളത്തുകയും ചെയ്യുന്നതിനാണ് യുഎഇ മാർച്ച് 15 ശിശുദിനമായി ആഘോഷിക്കുന്നത്.
