എമിറേറ്റ്സ് ഐഡി അപേക്ഷയിൽ മാറ്റങ്ങളുമായി യുഎഇയിലെ ഐഡന്റിറ്റി, സിറ്റിസൺഷിപ്പ്, കസ്റ്റംസ് & പോർട്ട് സെക്യൂരിറ്റി അതോറിറ്റി (ഐസിപി). അപേക്ഷ പ്രക്രിയ സുഗമാക്കുന്നതിൻ്റെ ഭാഗമായാണ് പുതിയ എമിറേറ്റ്സ് ഐഡി രജിസ്ട്രേഷൻ ഫോം അവതരിപ്പിച്ചത്.
പ്രധാന സവിശേഷതകൾ
1. അതോറിറ്റിയുടെ ‘വിഷ്വൽ ഐഡന്റിറ്റി’ക്ക് അനുസൃതമായാണ് പുതിയ അപേക്ഷ. കാഴ്ചയിൽ തന്നെ എമിറേറ്റ്സ് ഐഡി അപേക്ഷ തിരിച്ചറിയാനാകും
2.അപേക്ഷയുടെ മുകളിൽ ഇടതുവശത്തായാണ് അപേക്ഷകരുടെ വ്യക്തിഗത ഫോട്ടോ പതിക്കുന്നതിന് ഇടം നൽകിയിരിക്കുന്നത്.
3. അപേക്ഷയുടെ മുകളിൽ വലതുവശത്തുള്ള ക്യുആർ കോഡ് സ്കാൻ ചെയ്ത് ആപ്ലിക്കേഷൻ ട്രാക്ക് ചെയ്യാനും സംവിധാനം.
4. അപേക്ഷിക്കേണ്ടി വിധം ഉൾപ്പടെ വിശദീകരങ്ങളും ഫോമിലുണ്ട്.
5. കാർഡ് ഡെലിവർ ചെയ്യുന്ന കമ്പനിയുടെ പേര് ഫോമിൻ്റെ താഴെ ഇടതുവശത്ത് വിലാസത്തോടൊപ്പം സൂചിപ്പിച്ചിരിക്കുന്നു.
6.ഐസിപിയിൽ പരാതികൾ രജിസ്റ്റർ ചെയ്യുന്നതിനും മറ്റുമായി ഉപഭോക്തൃ വോയ്‌സ് ഗേറ്റ്‌വേ ആക്‌സസ് ചെയ്യുന്നതിന് ഒരു ക്യുആർ കോഡും ചേർത്തിട്ടുണ്ട്.
7. അപേക്ഷകൻ്റെ കൈവിരൽ അടയാളം രേഖപ്പെടുത്തുന്ന തീയതി മാറ്റാൻ അനുവദിക്കുന്ന മറ്റൊരു QR കോഡും അപേക്ഷയിൽ ഉൾപ്പെടുത്തിയിട്ടുണ്ട്.
