യുഎഇയിൽ അടുത്ത വർഷം മുതൽ എയർ ടാക്സികൾ പറത്താനുള്ള ഒരുക്കത്തിലാണ് ആർച്ചർ ഏവിയേഷൻ. എയർ ടാക്സികൾ പറത്തുന്നതിന്റെ ഭാഗമായി ഇലക്ട്രിക് വെർട്ടിക്കൽ ടേക്ക് ഓഫ്, ലാൻഡിംഗ് (ഇവിടിഒഎൽ) വിമാനങ്ങൾ പ്രവർത്തിപ്പിക്കുന്നതിനുള്ള പൈലറ്റുമാരുടെ റിക്രൂട്ട്‌മെൻ്റും പരിശീലനവും ഉടൻ തുടങ്ങും.
വിമാനം പറത്താനുള്ള പൈലറ്റുമാരെ റിക്രൂട്ട് ചെയ്യാനും പരിശീലിപ്പിക്കാനും യുഎസ് ആസ്ഥാനമായുള്ള കമ്പനി അബുദാബി ആസ്ഥാനമായ ഇത്തിഹാദ് ഏവിയേഷൻ ട്രെയിനിംഗുമായി (ഇഎടി) സഹകരണം ആരംഭിച്ചു.
എയർപോർട്ട്, പൈലറ്റ്, ക്യാബിൻ ക്രൂ സ്റ്റാഫ് എന്നിവർക്കായി EAT പരിശീലന കോഴ്സുകൾ വാഗ്ദാനം ചെയ്യുന്നു. ഇത്തിഹാദ് എയർവേസ്, വിസ് എയർ, എയർഅറേബിയ, ഫ്ലൈദുബായ്, ഒമാൻ എയർ തുടങ്ങി നിരവധി കാരിയറുകളെ അതിൻ്റെ വ്യവസായ പങ്കാളികളും ഉപഭോക്താക്കളുമായി പട്ടികപ്പെടുത്തിയിട്ടുണ്ട്.
