രോഗികളെ ലൈസൻസില്ലാതെ ചികിത്സിച്ചാൽ ഒരു ലക്ഷം ദിർഹം വരെ പിഴ ഈടാക്കാനുള്ള നിയമവുമായി യുഎഇ. ഇത്തരത്തിൽ രണ്ട് കരടുകൾക്കാണ് ബുധനാഴ്ച ഫെഡറൽ നാഷണൽ കൗൺസിൽ അംഗീകാരം നൽകിയത്. ലൈസൻസില്ലാതെ ചികിത്സിച്ചാൽ തടവും 50,000 മുതൽ ഒരു ലക്ഷം ദിർഹം വരെ പിഴയും അല്ലെങ്കിൽ രണ്ടും ഒരുമിച്ചോ അനുഭവിക്കേണ്ടിവരും.
വ്യാജ രേഖകൾ ഹാജരാക്കി ചികിത്സിക്കുന്നവർക്കും ഇതേ ശിക്ഷയാണ് ലഭിക്കുകയെന്ന് അധികൃതർ വ്യക്തമാക്കി. നിയമാനുസൃതമല്ലാത്ത രീതിയിൽ ആരോഗ്യ സ്ഥാപനങ്ങൾ പ്രവർത്തിക്കുന്നുണ്ടെങ്കിൽ അവ പൂട്ടി സീൽ ചെയ്യാനും നിയമത്തിൽ പറയുന്നു.
