എയർ ഇന്ത്യ എക്സ്പ്രസിൽ ടൈം ടു ട്രാവൽ സെയിലിന് തുടക്കം. കുറഞ്ഞ ചെലവിൽ യാത്ര ആസ്വദിക്കാനാകുമെന്ന് അധികൃതർ അറിയിച്ചു. ടിക്കറ്റിന് പുറമേ ഭക്ഷണം അടക്കമുളളവയ്ക്കും 25 ശതമാനം നിരക്കിളവ് ലഭ്യമാകും.1177 രൂപയുടെ എക്സ്പ്രസ് ലൈറ്റ് ടിക്കറ്റുകള്‍ മുതലാണ് ഓഫർ ആരംഭിക്കുന്നത്.
സെപ്റ്റംബർ 30 വരെയാണ് യാത്ര അനുവദിക്കുക. എന്നാൽ ജൂൺ മൂന്നിന് മുമ്പായി ടിക്കറ്റ് ബുക്ക് ചെയ്യണം. എയർ ഇന്ത്യ എക്സ്പ്രസിന്‍റെ വെബ്സൈറ്റിലും മൊബൈൽ ആപ്പിലും ഓഫർ ലഭ്യമാണ്.
10 കിലോ വരെ ഭാരമുള്ള ക്യാബിൻ ബാഗേജുമായി യാത്ര ചെയ്യുന്നവർക്കാണ് സാധാരണ നിരക്കിലും താഴെയുള്ള എക്സ്പ്രസ് ലൈറ്റ് ടിക്കറ്റുകള്‍ ലഭിക്കുക. എന്നാൽ ട്രാവൽ ഏജൻറുമാർക്ക് 1198 രൂപ മുതലാണ് ടിക്കറ്റ് നിരക്ക്. കൂടുതൽ വിവരങ്ങൾക്ക് http://airindiaexpress.com സന്ദർശിക്കുക.
