ഖത്തറിൽ ഒക്ടോബർ മാസത്തിലെ ഇന്ധന വില പ്രഖ്യാപിച്ചു. മുൻ മാസങ്ങളിൽ നിന്നും വ്യത്യസ്ഥമായി ഖത്തറിൽ ഇന്ധനവില കുറച്ചിട്ടുണ്ട്. ദീർഘകാലത്തിന് ശേഷമാണ് പെട്രോൾ, ഡീസൽ വില ഖത്തറിൽ കുറയ്ക്കുന്നത്.
സെപ്‌തംബറിൽ പ്രീമിയം പെട്രോളിന് 1.95 ഖത്തർ റിയാലായിരുന്നു നിരക്ക്. ഇത് 1.90 ഖത്തർ റിയാലായാണ് കുറച്ചത്. സൂപ്പർ ഗ്രേഡ് പെട്രോളിനും 5 ദിർഹം വില കുറച്ചിട്ടുണ്ട്. 2 റിയാൽ 5 ദിർഹമാണ് പുതിയ നിരക്ക്. ഡീസലിന് 2 റിയാലാണ് പുതുക്കിയ നിരക്ക്. സെപ്‌തംബറിൽ 2.05 ഖത്തർ റിയാലായിരുന്നു വില.
പ്രീമിയം പെട്രോൾ വിലയിൽ ഏറ്റക്കുറച്ചിലുകൾ വന്നിരുന്നെങ്കിലും സൂപ്പർ ഗ്രേഡ് പെട്രോൾ, ഡീസൽ വിലകൾ ഒൻപത് മാസമായി വ്യത്യാസങ്ങളൊന്നുമില്ലാതെയാണ് തുടരുന്നതെന്ന് അധികൃതർ അറിയിച്ചു.
