സാങ്കേതിക തകരാർ മൂലം കരിപ്പൂർ-ദുബായ് എയർ ഇന്ത്യ എക്സ്പ്രസ്സ്‌ വിമാനം കണ്ണൂർ എയർപോർട്ടിൽ അടിയന്തിരമായി ലാൻഡ് ചെയ്തു. ഇന്ന് രാവിലെ 9.52 ന് കരിപ്പൂരിൽ നിന്ന് പുറപ്പെട്ട വിമാനമാണ് 11 മണിയോടെ കണ്ണൂർ വിമാനത്താവളത്തിൽ അടിയന്തിര ലാൻഡിംഗ് നടത്തിയത്.
അതേസമയം സമാനമായ രീതിയിൽ കഴിഞ്ഞ ദിവസം ഈജിപ്ത് എയർ വിമാനവും എമർജൻസി ലാൻഡിംഗ് നടത്തിയിരുന്നു. കെയ്‌റോയിൽ നിന്ന് ഈജിപ്തിലേക്ക് പോകുകയായിരുന്നു ഈ വിമാനം. സാങ്കേതിക തകരാർ ഉണ്ടായതിനെ തുടർന്ന് ദമ്മാം കിങ് ഫഹദ് ഇന്റർനാഷണൽ വിമാനത്താവളത്തിൽ അടിയന്തിരമായി ലാൻഡ് ചെയ്യുകയായിരുന്നു.
