പ്രവാസികൾ നാട്ടിലേക്ക് അയക്കുന്ന പണത്തിന് ര​ണ്ട്​ ശ​ത​മാ​നം ടാ​ക്​​സ്​, നി​ർ​ദേ​ശം ത​ള്ളി ബഹ്‌റൈൻ ശൂ​റ കൗ​ൺ​സി​ൽ 

ബ​ഹ്​​റൈ​നി​ൽ പ്ര​വാ​സി​ക​ൾ അ​വ​രു​​ടെ നാ​ടു​ക​ളി​ലേ​ക്ക്​ അ​യ​ക്കു​ന്ന പ​ണ​ത്തി​ന്​ ര​ണ്ട്​ ശ​ത​മാ​നം ടാ​ക്​​സ്​ ഏ​ർ​പ്പെ​ടു​ത്തണം എന്ന പാ​ർ​ല​മെ​ന്‍റ്​ നി​ർ​ദേ​ശം ശൂ​റ കൗ​ൺ​സി​ൽ ച​ർ​ച്ച ചെ​യ്​​ത്​ ത​ള്ളി. രാ​ജ്യ​ത്തെ സാ​മൂ​ഹിക മേ​ഖ​ല​യി​ലും സാ​മ്പ​ത്തി​ക ​രം​ഗ​ത്തും ഈ നി​യ​മം പ്ര​തി​കൂ​ല​മാ​യി ബാ​ധി​ക്കു​മെ​ന്നാ​ണ്​ ശൂ​റ കൗ​ൺ​സി​ൽ അം​ഗ​ങ്ങ​ൾ അ​ഭി​പ്രാ​യ​പ്പെ​ട്ട​ത്. മാത്രമല്ല, ബ​ഹ്​​റൈ​നി​ൽ നി​ന്നും നി​യ​മ വി​ധേ​യ​മാ​യി അ​യ​ക്കു​ന്ന പ​ണ​ത്തി​ൽ കു​റ​വു​ണ്ടാ​വു​ക​യും നി​യ​മ വി​രു​ദ്ധ വ​ഴി​ക​ളി​ലൂ​ടെ പ​ണം അ​യ​ക്ക​പ്പെ​ടു​ക​യും ചെ​യ്യു​ന്ന സാ​ഹ​ച​ര്യവും ഇ​തു​മൂ​ല​മു​ണ്ടാ​വും.

അതേസമയം ക​ള്ള​പ്പ​ണ ഇ​ട​പാ​ടു​ക​ൾ വ​ർ​ധി​ക്കു​ക​യും രാ​ജ്യ​ത്തി​ന്‍റെ പ​ദ​വിയ്​ക്കും പ്ര​ശ​സ്​​തി​ക്കും മ​ങ്ങ​ലേ​ൽ​ക്കു​മെന്നും ശൂറ കൗൺസിൽ ചൂ​ണ്ടി​ക്കാ​ട്ടി. അ​ന്താ​രാ​ഷ്​​ട്ര ക​രാ​റു​ക​ൾ, നി​ക്ഷേ​പ​ക​രെ ആ​ക​ർ​ഷി​ക്ക​ൽ,നി​ക്ഷേ​പ സു​ര​ക്ഷി​ത​ത്വം എ​ന്നി​വ​യ്ക്ക് ​ മങ്ങൽ ഏൽപ്പിക്കുന്നതുമാണിത്. വി​ദേ​ശ നി​ക്ഷേ​പ പ​ദ്ധ​തി​ക​ളി​ലൂ​ടെ സ്വ​ദേ​ശി​ക​ൾ​ക്ക്​ തൊ​ഴി​ല​വ​സ​ര​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ന് മ​ങ്ങ​ലേ​ൽ​ക്കു​മെ​ന്നും ശൂ​റ കൗ​ൺ​സി​ൽ ചൂ​ണ്ടി​ക്കാ​ട്ടി. പാ​ർ​ല​മെ​ന്‍റ്​ നി​ർ​ദേ​ശ​ങ്ങ​ൾ ശൂ​റ കൗ​ൺ​സി​ൽ പാ​സാ​ക്കി​യെങ്കിൽ മാ​ത്ര​മേ മ​ന്ത്രി​സ​ഭ​യി​ൽ ച​ർ​ച്ച​യ്ക്ക് വരുകയുള്ളു.