ഞായറാഴ്ച ദുൽഹജ്ജ് മാസപ്പിറവി ദർശിക്കാൻ സാധ്യതയുണ്ടെന്ന് ജ്യോതിശാസ്ത്ര സൊസൈറ്റി അറിയിച്ചു. മക്കയിൽ ഞായറാഴ്ച വൈകുന്നേരം 07.05 നാണ് സൂര്യൻ അസ്തമിക്കുക. ആ സമയത്ത് ചന്ദ്രൻ ചക്രവാളത്തിന് മുകളിലായിരിക്കുമെന്നും അസോസിയേഷൻ മേധാവി മജീദ് അബു സഹ്റ അറിയിച്ചു.
അതേസമയം ഇന്ന് മാസപ്പിറവി ദൃശ്യമായാൽ തിങ്കളാഴ്ച ദുൽഹജ്ജ് ഒന്ന് ആയിരിക്കും. കൂടാതെ ദുൽഹജ്ജ് ഒന്‍പത് വരുന്ന ഈ മാസം 27നായിരിക്കും അറഫ ദിനം. ഇതിന്റെ അടിസ്ഥാനത്തിൽ സൗദിയിലും മറ്റ് ഗൾഫ് രാജ്യങ്ങളിലുമെല്ലാം 28ന് ആയിരിക്കും ഈദ് അൽ അദ്ഹ അഥവാ ബലിപെരുന്നാൾ ആഘോഷിക്കുക.
