വാഹന യാത്രക്കാർക്ക് മുന്നറിയിപ്പുമായി അബുദാബി പൊലീസ്. സ്വെയ്ഹാൻ റോഡിൽ ഒരു മേഖലയിലെ പരമാവധി വേഗപരിധി കുറച്ചിരിക്കുകയാണ് അധികൃതർ. മണിക്കൂറിൽ 100 കിലോമീറ്ററായാണ് വേഗപരിധി കുറച്ചത്.
സ്വെയ്ഹാൻ റോഡിൽ അബുദാബി ദിശയിൽ തെലാൽ സ്വെയ്ഹാൻ – സ്വെയ്ഹാൻ മേഖലയിലാണ് പരമാവധി വേഗപരിധിയിൽ മാറ്റം നടപ്പിലാക്കിയിരിക്കുന്നതെന്ന് പൊലീസ് വ്യക്തമാക്കി. മേഖലയിലെ റോഡപകടങ്ങൾ കുറയ്ക്കുന്നതിന്റെ ഭാഗമായാണ് പുതിയ നടപടി.
വേഗപരിധി സംബന്ധിച്ച മാറ്റം വാഹനമോടിക്കുന്നവർ കർശനമായി പാലിക്കണമെന്ന് അബുദാബി പൊലീസ് നിർദേശിച്ചു.
