ദുബായിൽ നടക്കുന്ന കോപ് 28 കാലാവസ്ഥാ ഉച്ചകോടിയുടെ സ്മ‌രണാർത്ഥം യുഎഇയിൽ ആറ് സ്റ്റാമ്പുകൾ പുറത്തിറക്കി. എമിറേറ്റ്സ് പോസ്‌റ്റാണ് പുതിയ തപാൽ സ്റ്റാമ്പുകൾ പുറത്തിറക്കിയത്. ‘സിഒപി 28 ഒഫീഷ്യൽ എഡിഷൻ’, ‘സിഒപി 28 യൂത്ത് എഡിഷൻ’ എന്നീ 2 വിഭാഗങ്ങളിലായാണ് സ്റ്റാമ്പുകൾ ലഭ്യമാക്കിയിരിക്കുന്നത്.
രാജ്യവ്യാപകമായി നടത്തിയ സ്റ്റാമ്പ് രൂപകല്പന മത്സരത്തിൽ ഒന്നാം സ്ഥാനം നേടിയ ഡിസൈനാണ് സ്റ്റാമ്പ് നിർമ്മാണത്തിനായി തിരഞ്ഞെടുത്തത്. ആഗോളതാപനവുമായി ബന്ധപ്പെട്ട് അന്തരീക്ഷത്തിൽ നിലനിൽക്കുന്ന അപകടാവസ്ഥയെക്കുറിച്ച് ജനങ്ങൾക്ക് ബോധവൽക്കരണം നൽകുന്നതിന്റെയും രാജ്യത്തിന്റെ സുസ്ഥിര ഭാവിക്കായി പ്രവർത്തിക്കാൻ യുവാക്കളെ പ്രാപ്തരാക്കുന്നതുമാണ് സ്റ്റാമ്പുകൾ.
രാജ്യത്തെ എല്ലാ തപാൽ ഓഫീസിലും ഉപഭോക്ത്യ സേവന കേന്ദ്രങ്ങളിലും സ്റ്റാമ്പ് ലഭ്യമാക്കുമെന്ന് അധികൃതർ അറിയിച്ചു. www.emiratespostshop.ae എന്ന വെബ്സൈറ്റിലും സ്റ്റാമ്പ് ലഭ്യമാക്കിയിട്ടുണ്ട്.
