പുതുവത്സര ദിനമായ ജനുവരി ഒന്ന് തിങ്കളാഴ്ച ഷാർജയിൽ സൗജന്യ പാർക്കിങ് പ്രഖ്യാപിച്ചു. ജനുവരി രണ്ട് ചൊവ്വാഴ്ച മുതൽ പെയ്ഡ് പാർക്കിങ് പുനരാരംഭിക്കും. ഷാർജ മുൻസിപ്പാലിറ്റിയാണ് ഇക്കാര്യം അറിയിച്ചത്.
അതേസമയം നീല നിറത്തിൽ അടയാളപ്പെടുത്തിയിരിക്കുന്ന പാർക്കിങ് ഏരിയകളിൽ തിങ്കളാഴ്ചയും പെയ്ഡ് പാർക്കിങ് തന്നെയാകും. ഔദ്യോഗിക, പൊതു അവധി ദിവസങ്ങളിലടക്കം ആഴ്ചയിൽ ഏഴ് ദിവസവും ഇവിടെ പെയ്ഡ് പാർക്കിങാണ് ഉള്ളത്.
പുതുവത്സര ദിനമായ ജനുവരി ഒന്ന് തിങ്കളാഴ്ച ദുബൈയിലും സൗജന്യ പാർക്കിങ് പ്രഖ്യാപിച്ചിട്ടുണ്ട്. റോഡ് ഗതാഗത അതോറിറ്റിയാണ് ഇക്കാര്യം അറിയിച്ചത്. മൾട്ടി ലെവൽ പാർക്കിങുകൾ ഒഴികെയുള്ള സ്ഥലങ്ങളിലാണ് സൗജന്യ പാർക്കിങ് ലഭിക്കുക.
