സോഷ്യല്‍ മീഡിയയില്‍ ലോകം മു‍ഴുവന്‍ ആരാധകരരുളള വ്യക്തിയാണ് ദുബായ് കിരാടാവകാശി ശൈഖ് ഹംദാന്. അദ്ദേഹത്തിന്‍റെനിലപാടുകൾക്ക് വന്‍ പിന്തുണ ലഭിക്കുന്നതിനൊപ്പം പങ്കിടുന്ന ഫോട്ടോകളും വൈറലാകാറുണ്ട്.
അത്തരമൊരു ഫോട്ടോയാണ് സോഷ്യല്‍ മീഡിയയിലെ പുതിയ തരംഗം. ക‍ഴിഞ്ഞ ദിവസം ശൈഖ് ഹംദാന് ഇൻസ്റ്റാഗ്രാമിലാണ് തന്റെ പിതാവിനും മക്കൾക്കുമൊപ്പമുളള ചിത്രം പങ്കുവച്ചത്. ഹൃദയഹാരിയായ ആ ചിത്രം മുപ്പത് മിനിറ്റിനകം നേടിയത്
ഒരുലക്ഷം ലൈക്കുകളും 2,500 കമന്റുകളും.
ദുബായ് രാജകുടുംബത്തിലെ മൂന്ന് തലമുറകളുടെ ഒരു കാഴ്ച്ചയാണ് ചിത്രത്തിലുളളത്. സ്‌ട്രോളർ ബൈക്കിന്റെ ഹാൻഡിൽ പിടിച്ചിരിക്കുന്ന ശൈഖ് ഹംദാനും സീറ്റിലിരിക്കുന്ന ശൈഖ് ഹംദാന്‍റെ മക്കളായ ഷെയ്ഖയും റാഷിദും മാണ് ചിത്രത്തിന്‍റെ ശ്രദ്ധാ കേന്ദ്രം. ഇവര്‍ക്കുസമീപം പിതൃവാത്സല്യത്തോടെ നില്‍ക്കുന്ന യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമും കൂടിച്ചേരുമ്പോൾ ചിത്രത്തിന്‍റെ ആകര്‍ഷണീയത വര്‍ദ്ധിക്കുന്നു.
സ്നേഹം പ്രകടമാകുന്ന തരത്തില്‍ ‘എന്റെ ❤️💙💖’ എന്ന അടിക്കുറിപ്പോടെയാണ് ഷെയ്ഖ് ഹംദാന്‍റെ പോസ്റ്റ്. പതിനാലര ലക്ഷം അനുയായികളാണ് ശൈഖ് ഹംദാന് സോഷ്യല്‍ മീഡിയയിലുളളത്.
