കുട്ടികളുടെ വിദ്യാഭ്യാസത്തിന്‍റെ കാര്യത്തില്‍ രക്ഷിതാക്കളുടെ പ്രധാന ആശങ്ക ഫീസ് തന്നെയെന്ന് അഭിപ്രായ സര്‍വ്വേ. സ്കൂളുകൾ തെരഞ്ഞെടുക്കുന്നതിന്‍റെ പ്രധാന മാനദണ്ഡമായി കൂടുതല്‍ ആളുകളും പരിഗണിക്കുന്നത് ഫീസ് തന്നെ. പഠന നിലവാരം അനുസരിച്ച് സ്കൂളുകൾ തെരഞ്ഞെടുക്കുന്നവരുടെ എണ്ണം കുറവെന്നും അദുദാബി എമിറേറ്റ്സ് കേന്ദ്രീകരിച്ച് നടന്ന സര്‍വ്വേ സൂചിപ്പിക്കുന്നു.
ഫീസിന് പുറമെ സ്കൂളിലേക്കുളള ദൂരവും പ്രധാന ഘടമാണ്. 56 ശതമാനം ആളുകൾ കുറഞ്ഞ ഫീസ് പരിഗണിച്ചാണ് കുട്ടികൾക്ക് അഡ്മിഷന്‍ സംഘടിപ്പിക്കുന്നത്. ട്യൂഷന്‍ ഫീസ്, സ്കൂൾ ബസ് ഫീസ്, യൂണിഫോം, പുസ്തകങ്ങൾ തുടങ്ങി വരുമാനത്തിന്റെ നല്ലൊരുപങ്കും കുട്ടികളുടെ വിദ്യാഭ്യാസത്തിനായി മാറ്റി വയ്ക്കേണ്ടി വരുന്നെന്നും രക്ഷിതാക്കൾ പറയുന്നു.
പഠന നിലവാരം അനുസരിച്ച് സ്കൂളുകൾ തെരഞ്ഞെടുക്കുന്നവരുടെ എണ്ണം വെറും 13 ശതമാനം മാത്രമാണ്. ആകെ 225 സ്കൂളുകളാണ് എമിറേറ്റ്സിലുളളത്. ഇതില്‍ പതിനായിരത്തില്‍ താ‍ഴെ ഫീസ് ഈടാക്കുന്ന 58 സ്കൂളുകൾ മാത്രമാണുളളത്. പതിനായിരത്തിനും ഇരുപതിനായിരത്തിനും മധ്യേ ഫീസ് ഈടാക്കുന്ന 54 സ്കൂളുകളുമുണ്ട്. നാല്‍പ്പതിനായിരം വരെ ഫീസ് ഈടാക്കുന്ന 31 സ്കൂളുകളുമുണ്ട്. സ്വകാര്യ സ്കൂളുകളില്‍ ഫീസ് ഘടന വെത്യസ്ത്യവുമാണ്.
ബ്രിട്ടീഷ് സിലബസ് പിന്തുടരുന്ന സ്കൂ‍ളുകളിലാണ് നിരക്ക് കൂടുതല്‍.. വര്‍ഷം 96,333 ദിര്‍ഹം ഫീസ് വാങ്ങുന്ന ബ്രിട്ടീഷ് സ്കൂളാണ് ഇക്കാര്യത്തില്‍ മുന്നില്‍. അതേ സമയം ഇന്ത്യന്‍ സ്കൂളുകളില്‍ അയ്യായിരം ദിര്‍ഹം മുതല്‍ ഇരുപത്തയ്യായിരം വരെയാണ് ഫീസ് ഈടാക്കുന്നത്. ഫിലിപ്പിയന്‍സ് , പാകിസ്ഥാന്‍, ബംഗ്ളാദേശ് സ്കൂളുകളിലും ഫീസ് നിരക്ക് കുറവാണ്.
